ತಿರುಪತಿ ದೇವಾಲಯಕ್ಕೆ 25 ಕೆಜಿ ಚಿನ್ನ ಹೇರಿಕೊಂಡು ಬಂದ ಪುಣೆ ಫ್ಯಾಮಿಲಿ (ವಿಡಿಯೋ)

ತಿರುಮಲ: ತಿರುಪತಿ ವೆಂಕಟೇಶ್ವರನ ಸನ್ನಿಧಿಗೆ ಪುಣೆ ಮೂಲದ ಕುಟುಂಬವೊಂದು ಬರೋಬ್ಬರಿ 25 ಕೆಜಿ ಚಿನ್ನ ಹೇರಿಕೊಂಡು ಬಂದಿದೆ. ಬಟ್ಟೆಯಲ್ಲೂ ಚಿನ್ನ ಕುತ್ತಿಗೆಯಲ್ಲೂ ಚಿನ್ನ ಸುತ್ತಿಕೊಂಡು ಬಂದ ಈ ಕುಟುಂಬದ ವಿಡಿಯೋ ಈಗ ವೈರಲ್ ಆಗಿದೆ.

ತಿರುಪತಿ ತಿಮ್ಮಪ್ಪನ ಸನ್ನಿಧಿ ಅತ್ಯಂತ ಶ್ರೀಮಂತ ದೇವಾಲಯಗಳಲ್ಲಿ ಒಂದು. ಇಲ್ಲಿಗೆ ಹಣ, ಚಿನ್ನಾಭರಣಗಳನ್ನು ಹುಂಡಿಗೆ ಹಾಕಿ ದೇವರಿಗೆ ಸಮರ್ಪಿಸುವುದು ಸಾಮಾನ್ಯ. ಆದರೆ ಪುಣೆ ಮೂಲದ ಈ ಕುಟುಂಬ ದೇಹದ ತುಂಬಾ ಸಿಕ್ಕ ಸಿಕ್ಕಲ್ಲೆಲ್ಲಾ ಚಿನ್ನ ಹೇರಿಕೊಂಡು ಬಂದಿದ್ದಾರೆ.

ಇಬ್ಬರು ಯುವಕರು, ಓರ್ವ ಯುವತಿ ಸೇರಿದಂತೆ ಇಡೀ ಕುಟುಂಬವೇ ಚಿನ್ನ ಹೇರಿಕೊಂಡು ಬಂದಿದೆ. ಯುವತಿ ಚಿನ್ನದಲ್ಲೇ ಮಾಡಿದ ಸೀರೆ ಉಟ್ಟುಕೊಂಡಿದ್ದರೆ ಯುವಕರಿಬ್ಬರು ಕುತ್ತಿಗೆಯಲ್ಲಿ ಹಾವು ಸುತ್ತಿಕೊಂಡಂತೆ ಚಿನ್ನವನ್ನೇ ಪೇರಿಸಿಕೊಂಡು ಬಂದಿದ್ದಾರೆ. ಕೈಯಲ್ಲಿ, ಬೆರಳಲ್ಲಿ ಎಲ್ಲೆಲ್ಲಿ ನೋಡಿದರೂ ಚಿನ್ನವೇ. ಇವರ ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

VIDEO | Andhra Pradesh: Devotees from Pune wearing 25 kg of gold visited Tirumala's Venkateswara Temple earlier today.

(Full video available on PTI Videos - https://t.co/n147TvqRQz) pic.twitter.com/k38FCr30zE

— Press Trust of India (@PTI_News) August 23, 2024