ಯಾವ ಅರ್ಥಶಾಸ್ತ್ರಜ್ಞರು ಈ ನಡೆಯನ್ನು ಸ್ವಾಗತಿಸಿಲ್ಲ ಎಂದಿದ್ದಾರೆ.
ಮೋದಿ ಮತ್ತು ರಾಷ್ಟ್ರೀಯ ಸ್ವಯಂ ಸೇವಕ ಸಂಘ ದೇಶವನ್ನು ಶಕ್ತಿಹೀನಗೊಳಿಸಿದ್ದಾರೆ. ಸಂವಿಧಾನಬದ್ಧ ಸಂಸ್ಥೆಗಳು ಮೋದಿ ಆಡಳಿತದ ಎರಡು ವರ್ಷಗಳಲ್ಲಿ ಬಲಹೀನಗೊಂಡಿವೆ, ಎಂದು ರಾಹುಲ್ ಕಿಡಿಕಾರಿದ್ದಾರೆ.
ಮೋದಿ ಕಾರ್ಯಕ್ರಮಗಳ ಬಗ್ಗೆ ವ್ಯಂಗ್ಯವಾಡಿದ ಅವರು, ಯೋಗದ ಹೆಸರಲ್ಲಿ ಪದ್ಮಾಸನದಲ್ಲಿ ಕುಳ್ಳಿರಿಸಿದರು. ಪೊರಕೆ ಹಿಡಿಯಲು ಅರಿಯದ ಮೋದಿ ಸ್ವಚ್ಛತೆ ಹೆಸರಲ್ಲಿ ಜನರಿಂದ ಪೊರಕೆ ಹಿಡಿಸಿದರು. ಸ್ವಚ್ಛತೆ ಯೋಗ, ಮೇಕ್ ಇನ್ ಇಂಡಿಯಾ ಹೆಸರಲ್ಲಿ ಪ್ರಚಾರ ಪಡೆದಿದ್ದಷ್ಟೇ ಮೋದಿ ಸಾಧನೆ, ಎಂದಿದ್ದಾರೆ.
ಮೊದಲ ಬಾರಿ ಭಾರತದ ಪ್ರಧಾನಿ ಜಗತ್ತಿನ ಮುಂದೆ ಅಪಹಾಸ್ಯಕ್ಕೀಡಾಗುತ್ತಿದ್ದಾರೆ. ಮೋದಿ ಅವರಿಗೆ ಪೊರಕೆ ಹಿಡಿಯಲು ಕೂಡ ಬರುವುದಿಲ್ಲ. ಜನರು ಅಚ್ಛೇ ದಿನ್ ಎಲ್ಲಿದೆ ಎಂದು ಪ್ರಶ್ನಿಸುತ್ತಿದ್ದಾರೆ. ಅದಕ್ಕಾಗಿ ಕಾಯುತ್ತಿದ್ದಾರೆ. ಆದರೆ ಇಂದು ಜನ ಎಂದಿಗಿಂತ ಹೆಚ್ಚು ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಅಚ್ಛೇ ದಿನ್ ಬರುವುದು 2019ರಲ್ಲಿ ಕಾಂಗ್ರೆಸ್ ದೇಶದ ಅಧಿಕಾರದ ಚುಕ್ಕಾಣಿ ಹಿಡಿದಾಗಲಷ್ಟೇ ಎಂದು ರಾಹುಲ್ ಪ್ರತಿಪಾದಿಸಿದ್ದಾರೆ.