ವಿರಾಟ್ ಕೊಹ್ಲಿ ಚಾಲೆಂಜ್ ಸ್ವೀಕರಿಸಿದ ಪ್ರಧಾನಿ ಮೋದಿಗೆ ರಾಹುಲ್ ಗಾಂಧಿಯೂ ಕೊಟ್ಟರು ಒಂದು ಸವಾಲು!
ಶುಕ್ರವಾರ, 25 ಮೇ 2018 (08:47 IST)
ನವದೆಹಲಿ: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ನೀಡಿದ ಫಿಟ್ ನೆಸ್ ಚಾಲೆಂಜ್ ಸ್ವೀಕರಿಸಿದ ಪ್ರಧಾನಿ ಮೋದಿಗೆ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿಯೂ ಒಂದು ಸವಾಲು ನೀಡಿದ್ದಾರೆ.
ಆದರೆ ಅದು ರಾಜಕೀಯ ಸವಾಲು. ಪೆಟ್ರೋಲ್, ಡೀಸೆಲ್ ಬೆಲೆ ಸರ್ವಾಧಿಕ ಮೊತ್ತ ತಲುಪಿದ ಹಿನ್ನಲೆಯಲ್ಲಿ ಕೇಂದ್ರವನ್ನು ಟೀಕಿಸುತ್ತಿರುವ ರಾಹುಲ್ ಗಾಂಧಿ ಪ್ರಧಾನಿ ಮೋದಿಗೆ ತಾಕತ್ತಿದ್ದರೆ ಪೆಟ್ರೋಲ್ ಬೆಲೆ ಇಳಿಕೆ ಮಾಡಿ ನೋಡೋಣ ಎಂದು ಸವಾಲು ಸ್ವೀಕರಿಸಲು ಟ್ವಿಟರ್ ನಲ್ಲಿ ಆಹ್ವಾನವಿತ್ತಿದ್ದಾರೆ.
‘ಪ್ರಧಾನಿ ಮೋದಿಯವರೇ ವಿರಾಟ್ ಕೊಹ್ಲಿಯವರ ಫಿಟ್ ನೆಸ್ ಸವಾಲು ಸ್ವೀಕರಿಸಿದ ಸಂಗತಿ ಕೇಳಿ ಖುಷಿಯಾಯಿತು. ನಾನೂ ಒಂದು ಸವಾಲು ಹಾಕುತ್ತೇನೆ. ಇಂಧನ ಬೆಲೆ ಇಳಿಕೆ ಮಾಡುತ್ತೀರಾ ಅಥವಾ ಕಾಂಗ್ರೆಸ್ ದೇಶದಾದ್ಯಂತ ಅಭಿಯಾನ ನಡೆಸಿ ನಿಮ್ಮಿಂದ ಹಾಗೆ ಮಾಡಿಸಬೇಕೇ? ನಾನು ನಿಮ್ಮ ಪ್ರತಿಕ್ರಿಯೆಗಾಗಿ ಎದುರು ನೋಡುತ್ತಿದ್ದೇನೆ. #ಫ್ಯುಯೆಲ್ ಚಾಲೆಂಜ್’ ಎಂದು ರಾಹುಲ್ ಹೊಸ ಸವಾಲಿನ ಅಭಿಯಾನ ಆರಂಭಿಸಿದ್ದಾರೆ. ಆದರೆ ಇದಕ್ಕೆ ಮೋದಿ ಪ್ರತಿಕ್ರಿಯೆ ಏನು ಎಂದು ನೋಡಬೇಕಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
