ರಾಹುಲ್ ಗಾಂಧಿ ಕುಲ, ಗೋತ್ರ ಬಹಿರಂಗಪಡಿಸಿದ ಪುರೋಹಿತ
ರಾಜಸ್ಥಾನ ಚುನಾವಣಾ ರ್ಯಾಲಿ ನಡುವೆ ರಾಹುಲ್ ಅಜ್ಮೀರ್ ದರ್ಗಾ ಮತ್ತು ಪುಷ್ಕರ್ ಗೆ ಭೇಟಿ ನೀಡಿ ಪೂಜೆ ಸಲ್ಲಿಸಿದ್ದರು. ಇದಾದ ಬಳಿಕ ಪುಷ್ಕರ್ ನ ಪುರೋಹಿತರೊಬ್ಬರು ರಾಹುಲ್ ಗಾಂಧಿ ಗೋತ್ರ ದತ್ತಾತ್ರೇಯ. ದತ್ತಾತ್ರೇಯ ಗೋತ್ರದವರ ಕುಲನಾಮ ಕೌಲ್ ಎಂದು ಆಗುತ್ತದೆ. ಕೌಲ್ ಎಂದರೆ ಕಾಶ್ಮೀರಿ ಬ್ರಾಹ್ಮಣ ಎಂದು ಪ್ರತಿಪಾದಿಸಿದ್ದಾರೆ.
ರಾಹುಲ್ ಪೂಜೆ ಸಲ್ಲಿಸುವಾಗ ತಮ್ಮ ಗೋತ್ರ ದತ್ತಾತ್ರೇಯ ಎಂದಿದ್ದರು ಎಂದು ಆ ಪುರೋಹಿತರು ಹೇಳಿಕೊಂಡಿದ್ದಾರೆ. ಈ ಮೂಲಕ ರಾಹುಲ್ ಬ್ರಾಹ್ಮಣ ಎಂದು ಅವರು ಪ್ರತಿಪಾದಿಸಿದ್ದಾರೆ.
