ಹಾವು ಕಚ್ಚಿದರೆ ಹೀಗೂ ಆಗತ್ತಾ?; ವೈರಲ್ ಫೋಟೋ

ಹಾವಿನ ಕಡಿತಕ್ಕೊಳಗಾದ ನಾಯಿಯೊಂದರ ತಲೆ ಸಾಮಾನ್ಯ ಸ್ಥಿತಿಗಿಂತ ಮೂರು ಪಟ್ಟು ಊದಿಕೊಂಡ ಫೋಟೋವೊಂದಿಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ ಹರಿದಾಡುತ್ತಿದೆ. 

ಅಮೇರಿಕದ ಪಶ್ಚಿಮ ವರ್ಜಿನಿಯಾದ ಪ್ರಾಣಿ ಆಶ್ರಯ ತಾಣದಲ್ಲಿರುವ ಬೀಗಲ್ ಮಿಕ್ಸ್ ತಳಿಯ ನಾಯಿ ಲೋಗರ್‌ನಿಗೆ ಹಾವೊಂದು ಕಚ್ಚಿ ಮುಖ ಅಸಾಮಾನ್ಯವಾಗಿ ಊದಿಕೊಂಡು ಬಿಟ್ಟಿದೆ. ಈ ಫೋಟೋವನ್ನು ಯಾರೋ ಸಾಮಾಜಿಕ ಜಾಲಾತಾಣದಲ್ಲಿ ಹರಿಯಬಿಟ್ಟಿದ್ದು ಅದು ವೈರಲ್ ಆಗಿ ಹರಿದಾಡುತ್ತಿದೆ. ಮೂಕ ಪ್ರಾಣಿಯ ಈ ಸ್ಥಿತಿಗೆ ಮರುಕ ಪಟ್ಟ ಪ್ರಾಣಿ ಪ್ರಿಯರು ಆ ಫೋಟೋ ಕೆಳಗೆ ಇದ್ದ ಇನ್ನೊಂದು ಫೋಟೋವನ್ನು ಕಂಡು ಸಮಾಧಾನ ಪಟ್ಟುಕೊಂಡಿದ್ದಾರೆ.

ಕಾರಣ ನಾಯಿಗೆ ಚಿಕಿತ್ಸೆ ಕೊಡಿಸಲಾಗಿದ್ದು ಅದೀಗ ಸಾಮಾನ್ಯ ಸ್ಥಿತಿಗೆ ಮರಳಿದೆ.ಒಂದೇ ದಿನದಲ್ಲಿ ಲೋಗರ್ ಸರಿ ಹೋಗಿದ್ದಾನೆ ಎಂದು ತಿಳಿದು ಬಂದಿದೆ. 

ಅದು ಸುಸ್ಥಿತಿಯಲ್ಲಿರುವ ಫೋಟೋವನ್ನು ಸಹ ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್ ಮಾಡಲಾಗಿದೆ. ಅವೆರಡು ಲೋಗರ್ ಫೋಟೋಗಳೇ ಎಂದು ನಂಬಲು ಕಷ್ಟವೆನ್ನುವಷ್ಟು ವ್ಯತ್ಯಾಸವಿದೆ.

 ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ