ಚೆನ್ನೈ: ಅತ್ತ ಶಶಿಕಲಾ ನಟರಾಜನ್ ಮತ್ತು ಪನೀರ್ ಸೆಲ್ವಂ ಅಧಿಕಾರಕ್ಕಾಗಿ ಪರಸ್ಪರ ಕಿತ್ತಾಡುತ್ತಿದ್ದಾರೆ, ಎಐಎಡಿಎಂಕೆ ಶಾಸಕರು ಮಾತ್ರ ಮಹಾಬಲಿಪುರಂ ಬೀಚ್ ಕಿನಾರೆಯ ಬಳಿಯಿರುವ ರೆಸಾರ್ಟ್ ನಲ್ಲಿ ಮಸ್ತ್ ಮಜಾ ಮಾಡುತ್ತಿದ್ದಾರೆ.
ತಮ್ಮ ಬೆಂಬಲಿಗ ಶಾಸಕರನ್ನು ಅದ್ದೂರಿ ರೆಸಾರ್ಟ್ ನಲ್ಲಿ ಎಲ್ಲಾ ವಿಧಧ ಸೌಕರ್ಯವೊದಗಿಸಿ ಶಶಿಕಲಾ ನಟರಾಜನ್ ಪೋಷಿಸುತ್ತಿದ್ದಾರೆ! ಹೀಗಾಗಿ ಇಡೀ ರಾಜ್ಯವೇ ರಾಜಕೀಯದಿಂದಾಗಿ ಹೊತ್ತಿ ಉರಿಯುತ್ತಿದ್ದರೆ ಶಾಸಕರು ಆರಾಮವಾಗಿ ಕಾಲ ಕಳೆಯುತ್ತಿದ್ದಾರೆ.
ಆದರೆ ಈ ಶಾಸಕರಿಗೆ ಮೊಬೈಲ್ ಮತ್ತು ಟಿವಿ ಸೌಕರ್ಯ ಒದಗಿಸಿಲ್ಲ ಎನ್ನಲಾಗಿದೆ. ಹೀಗಾಗಿ ಕೆಲವು ಶಾಸಕರು ಮೊಬೈಲ್ ಮತ್ತು ಟಿವಿ ಸಂಪರ್ಕ ನೀಡುವಂತೆ ಪಟ್ಟು ಹಿಡಿದಿದ್ದಾರೆನ್ನಲಾಗಿದೆ. ಅಂತೂ ಶಾಸಕರು ಶಶಿಕಲಾ ನಟರಾಜನ್ ರ ಅದ್ಧೂರಿ ಜೈಲಿನಲ್ಲಿ ಆದೇಶ ಬರುವವರೆಗೂ ನೀರಾಟವಾಡುತ್ತಾ ಟೈಂ ಪಾಸ್ ಮಾಡುತ್ತಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
