ನವದೆಹಲಿ:ಭಾರತ ಈಗ ವಿಶ್ವದ ಅತೀ ಹೆಚ್ಚು ಜನಸಂಖ್ಯೆ ಹೊಂದಿರುವ ರಾಷ್ಟ್ರವಾಗಿದೆ. ಈ ವರೆಗೆ ಅತೀ ಹೆಚ್ಚು ಜನಸಂಖ್ಯೆ ಹೊಂದಿರುವ ರಾಷ್ಟ್ರ ಎಂಬ ಖ್ಯಾತಿ ಪಡೆದಿದ್ದ ಚೀನಾ ಇದೀಗ ಆ ಪಟ್ಟದಿಂದ ಕೆಳಗಿಳಿದಿದ್ದು, ಭಾರತಕ್ಕೆ ಆ ಪಟ್ಟ ಲಭಿಸಿದೆ ಎಂದು ಸಂಶೋಧಕರೊಬ್ಬರು ಹೇಳಿದ್ದಾರೆ.
ಇತ್ತೀಚೆಗೆ ಚೀನಾದ ಪೆಕಿಂಗ್ ವಿಶ್ವವಿದ್ಯಾಲಯದಲ್ಲಿ ನಡೆದ ವಿಶೇಷ ವಿಚಾರಸಂಕಿರಣದಲ್ಲಿ ಪಾಲ್ಗೊಂಡಿದ್ದ ಅವರು, ಚೀನಾ ದೇಶದಲ್ಲಿ 1991 ರಿಂದ 2016 ರ ಅವಧಿಯಲ್ಲಿ 377.6 ಮಿಲಿಯನ್ ಮಕ್ಕಳು ಜನಿಸಿದೆ. ಆದರೆ ಅಧಿಕೃತ ದಾಖಲೆಗಳಲ್ಲಿ ಈ ಸಂಖ್ಯೆಯನ್ನು 464.8 ಮಿಲಿಯನ್ ಎಂದು ತೋರಿಸಲಾಗಿದೆ. ಈ ಅಂಕಿ ಅಂಶಗಳ ಪ್ರಕಾರ ಪ್ರಸ್ತುತ ಇರುವ ಚೀನಾ ಜನಸಂಖ್ಯೆ1.38 ಬಿಲಿಯನ್ ಎಂಬುದು ತಪ್ಪು ವಾದವಾಗಿದೆ. ಈ ಅಂಕಿಗಳ ಅಂಶಗಳಲ್ಲಿ 90 ಮಿಲಿಯನ್ ಸಂಖ್ಯೆ ಕಡಿತವಾಗಬೇಕಿದ್ದು, ನೈಜ ಅಂಕಿ ಅಂಶಗಳ ಪ್ರಕಾರ ಚೀನಾ ವಿಶ್ವದ ಅತೀ ಹೆಚ್ಚು ಜನಸಂಖ್ಯೆ ಹೊಂದಿರುವ ರಾಷ್ಟ್ರವಲ್ಲ ಎಂದು ಅವರು ಹೇಳಿದ್ದಾರೆ.
