ರುಚಿಕರ ಮಸಾಲಾ ಪಡ್ಡು ಮಾಡುವುದು ಹೇಗೆ ಗೊತ್ತಾ?

ಬೇಕಾಗುವ ಸಾಮಗ್ರಿಗಳು: 

ಅಕ್ಕಿ – 2 1/2 ಕಪ್

ಉದ್ದಿನಬೇಳೆ – 1/2 ಕಪ್

ಮೆಂತೆ – 2 ಚಮಚ

ಕಡಲೇಬೇಳೆ – 2 ಚಮಚ

ತೊಗರಿಬೇಳೆ – 1 ಚಮಚ

ಈರುಳ್ಳಿ – 2

ಕರಿಬೇವಿನ ಸೊಪ್ಪು – 2 ಎಸಳು

ಹಸಿಮೆಣಸು- 2-3

ಎಣ್ಣೆ – ಸ್ವಲ್ಪ

ಕೊತ್ತಂಬರಿಸೊಪ್ಪು – ಸ್ವಲ್ಪ

ಉಪ್ಪು – ರುಚಿಗೆ ತಕ್ಕಷ್ಟು

ಟೊಮೇಟೋ - 1

ಮಾಡುವ ವಿಧಾನ: 

* ಅಕ್ಕಿ, ಮೆಂತೆ, ಉದ್ದಿನಬೇಳೆ,  ಕಡಲೇಬೇಳೆ ಮತ್ತು ತೊಗರಿಬೇಳೆಯನ್ನು ಒಟ್ಟಿಗೆ ನೆನೆಸಿ. ಚೆನ್ನಾಗಿ ನೆನೆದ ನಂತರ ನುಣ್ಣಗೆ ರುಬ್ಬಿ ರುಚಿಗೆ ಬೇಕಾದಷ್ಟು ಉಪ್ಪನ್ನು ಹಾಕಿ ರಾತ್ರಿಯಿಡೀ ಹಾಗೇ ಇರಿಸಿ

* ಪಡ್ಡು ಮಾಡುವ ಕಾವಲಿಗೆ ಸ್ವಲ್ಪ ಎಣ್ಣೆ ಸವರಿ ಬಿಸಿ ಮಾಡಿ

* ನಂತರ ಈರುಳ್ಳಿ, ಕೊತ್ತಂಬರಿ ಸೊಪ್ಪು, ಕರಿಬೇವಿನ ಸೊಪ್ಪು, ಹಸಿಮೆಣಸಿನ ಕಾಯಿ ಮತ್ತು ಟೊಮೇಟೋವನ್ನು ಹೆಚ್ಚಿಟ್ಟುಕೊಳ್ಳಿ. 

* ಈಗ ಬಿಸಿ ಮಾಡಿದ ಕಾವಲಿಗೆಯಲ್ಲಿ ಒಂದೊಂದೇ ಗುಂಡಿಯೊಳಗೆ ಹಿಟ್ಟನ್ನು ಹೊಯ್ಯರಿ

* ನಂತರ ಹೆಚ್ಚಿಟ್ಟಿರುವ ತರಕಾರಿಗಳನ್ನು ಮೇಲಿನಿಂದ ಉದುರಿಸಿ ಮುಚ್ಚಳದಿಂದ ಮುಚ್ಚಿಟ್ಟು ಚೆನ್ನಾಗಿ ಬೇಯಿಸಿ.

* ಟೊಮೇಟೋ ಚಟ್ನಿ ಅಥವಾ ತೆಂಗಿನಕಾಯಿ ಚಟ್ನಿ ಜೊತೆ ಬಿಸಿ ಬಿಸಿ ಪಡ್ಡು ಸವಿಯಲು ಸಿದ್ಧ.