ಕೌಂಟಿ ಕ್ರಿಕೆಟ್ ನಲ್ಲಿ ದ್ವಿಶತಕ ಸಿಡಿಸಿದ ಚೇತೇಶ್ವರ್‌ ಪೂಜಾರ!
ಐಪಿಎಲ್‌ ಮತ್ತು ಭಾರತ ತಂಡದಿಂದ ನಿರ್ಲಕ್ಷ್ಯಕ್ಕೆ ಒಳಗಾದ ಭಾರತದ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ ಮನ್‌ ಚೇತೇಶ್ವರ್‌ ಪೂಜಾರ ಕೌಂಟಿ ಕ್ರಿಕೆಟ್ ನಲ್ಲಿ ದ್ವಿಶತಕ ಬಾರಿಸಿ ಗಮನ ಸೆಳೆದಿದ್ದಾರೆ.
ಭಾನುವಾರ ನಡೆದ ಕೌಂಟಿ ಚಾಂಪಿಯನ್‌ ಶಿಪ್‌ ಪಂದ್ಯದಲ್ಲಿ ಸಸೆಕ್ಸ್‌ ಪರ ಅಖಾಡಕ್ಕಿಳಿದ ಪೂಜಾರ ಡರ್ಬಿಶೈರ್‌ ವಿರುದ್ಧ ಅಜೇಯ ದ್ವಿಶತಕ ಸಿಡಿಸಿ ಟೀಕಾಕಾರರಿಗೆ ಬ್ಯಾಟ್‌ ನಿಂದ ಉತ್ತರ ನೀಡಿದರು.174 ೧೭೪ ರನ್‌ ಗಳಿಗೆ ಸೆಸೆಕ್ಸ್‌ ತಂಡ ಆಲೌಟಾಗಿತ್ತು. ಡರ್ಬಿಶೈರ್‌ 505 ರನ್‌ ಬೃಹತ್‌ ಮೊತ್ತ ದಾಖಲಿಸಿತು. ಎರಡನೇ ಇನಿಂಗ್ಸ್‌ ನಲ್ಲಿ ತಂಡ ಭರ್ಜರಿ ಉತ್ತರ ನೀಡಲು ಪೂಜಾರ ಕಾರಣರಾದರು.201೨೦೧ ರನ್‌ ಗಳಿಸಿದರು. ಅಲ್ಲದೇ ನಾಯಕ ಟಾಮ್‌ ಹೇನ್ಸ್‌ (243) ಜೊತೆ 351 ರನ್‌ ಜೊತೆಯಾಟ ನಿಭಾಯಿಸಿದರು. ಇವರಿಬ್ಬರ ಜೊತೆಯಾಟದಿಂದ ಸೆಸೆಕ್ಸ್‌ 3 ವಿಕೆಟ್‌ ಗೆ 513 ರನ್‌ ಗಳಿಸಿತು.
