ಬೆಂಗಳೂರು: ಕನ್ನಡ ಕಿರುತೆರೆಯ ಜನಪ್ರಿಯ ಧಾರವಾಹಿ ಭಾಗ್ಯಲಕ್ಷ್ಮಿಯಲ್ಲಿ ಹೊಸ ಟ್ವಿಸ್ಟ್ ಬರುತ್ತಿದೆ. ಇಬ್ಭಾಗವಾಗಿರುವ ಮನೆ ಒಂದು ಮಾಡಲು ಕುಲವಧು ಧಾರವಾಹಿ ಖ್ಯಾತಿಯ ಧನ್ಯಾ ಅಲಿಯಾಸ್ ನಟಿ ದೀಪಿಕಾ ಎಂಟ್ರಿ ಕೊಟ್ಟಿದ್ದಾರೆ.
ಇಂದು ಭಾಗ್ಯಲಕ್ಷ್ಮಿ ಧಾರವಾಹಿಯ ವಿಶೇಷ ಸಂಚಿಕೆ ಪ್ರಸಾರವಾಗಲಿದೆ. ಈ ಸಂಚಿಕೆಯಲ್ಲಿ ದೀಪಿಕಾ ಕಾಣಿಸಿಕೊಂಡಿದ್ದಾರೆ. ಈ ಧಾರವಾಹಿಯಲ್ಲಿ ಅವರು ರೂಪ ಎಂಬ ಯೂ ಟ್ಯೂಬರ್ ಕಮ್ ಕೌನ್ಸಲರ್ ಪಾತ್ರ ಮಾಡುತ್ತಿದ್ದಾರೆ.
ಸದ್ಯಕ್ಕೆ ಧಾರವಾಹಿಯಲ್ಲಿ ನಾಯಕ ತಾಂಡವ್ ಮತ್ತು ಮನೆಯ ಇತರೆ ಸದಸ್ಯರು ಪ್ರತ್ಯೇಕವಾಗಿದ್ದಾರೆ. ತಾಂಡವ್ ಭಾಗ್ಯಗೆ ಡಿವೋರ್ಸ್ ಕೊಡುತ್ತೇನೆ ಎಂದಿದ್ದಕ್ಕೆ ತಾಯಿ ಕುಸುಮಾ ಮನೆಯನ್ನು ಎರಡು ಭಾಗ ಮಾಡಿದ್ದಾರೆ. ಒಂದು ಭಾಗದಲ್ಲಿ ತಾಂಡವ್ ಏಕಾಂಗಿಯಾಗಿದ್ದರೆ ಇನ್ನೊಂದರಲ್ಲಿ ಭಾಗ್ಯ, ಕುಸುಮ, ಮಾವ ಮಕ್ಕಳು ಇದ್ದಾರೆ.
ಇದೀಗ ಭಾಗ್ಯಗೆ ತಾಂಡವ್ ಮನೆ ಬಿಟ್ಟು ಓಡಿಸುವುದಾಗಿ ಚಾಲೆಂಜ್ ಮಾಡಿದ್ದು, ಅವಳನ್ನು ಮನೆಯಿಂದ ಹೊರಗೆ ಹಾಕಿ ಅಪ್ಪ-ಅಮ್ಮನನ್ನು ಮತ್ತೆ ತನ್ನ ಬಳಿ ಕರೆಸಿಕೊಳ್ಳಲು ರೂಪಳನ್ನು ಕರೆದುಕೊಂಡು ಬರುತ್ತಾನೆ. ಆದರೆ ತಾಂಡವ್ ಏನೋ ತನಗೆ ಬೆಂಬಲ ನೀಡಬೇಕು ಎಂದು ರೂಪಳನ್ನು ಮನೆಗೆ ಕರೆ ತರುತ್ತಾನೆ.
ಆದರೆ ಮನೆಯವರನ್ನು ನೋಡಿದ ಮೇಲೆ ರೂಪ ಯಾರ ಪರ ನಿಲ್ಲುತ್ತಾರೆ, ತಾಂಡವ್ ಬಿಟ್ಟು ಭಾಗ್ಯ ಪಾರ್ಟಿ ಸೇರಿಕೊಳ್ಳುತ್ತಾರಾ ಕಾದು ನೋಡಬೇಕಿದೆ. ಸದ್ಯಕ್ಕೆ ಈ ವಿಶೇಷ ಪಾತ್ರವನ್ನು ದೀಪಿಕಾ ಮಾಡುತ್ತಿದ್ದಾರೆ. ದೀಪಿಕಾ ಈ ಮೊದಲು ಇದೇ ಕಲರ್ಸ್ ಕನ್ನಡ ವಾಹಿನಿಯ ಕುಲವಧು ಧಾರವಾಹಿಯಲ್ಲಿ ನಾಯಕಿಯಾಗಿ ಅಭಿನಯಿಸಿದ್ದರು.
