ಬೆಂಗಳೂರು: ನಿನ್ನೆಯಷ್ಟೇ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ತಾವು ಮದುವೆಯಾಗಲಿರುವ ಹುಡುಗನ ಜೊತೆಗಿರುವ ಫೋಟೋ ಪ್ರಕಟಿಸಿದ್ದ ನಟಿ ರಂಜನಿ ರಾಘವನ್ ಎಲ್ಲರಿಗೂ ಸರ್ಪೈಸ್ ಕೊಟ್ಟಿದ್ದರು.
ಒಂದೆಡೆ ರಂಜನಿ ತಮ್ಮ ಹುಡುಗನ ಫೋಟೋ ಪ್ರಕಟಿಸುತ್ತಿದ್ದಂತೇ ಇತ್ತ ಅಮ್ಮಮ್ಮ ಖ್ಯಾತಿಯ ನಟಿ ಚಿತ್ಕಲಾ ಬಿರಾದರ್ ಸಂಭ್ರಮ ಮುಗಿಲು ಮುಟ್ಟಿದೆ. ಕನ್ನಡತಿ ಧಾರವಾಹಿಯಲ್ಲಿ ಅಮ್ಮಮ್ಮ ಮತ್ತು ಭುವಿ ಟೀಚರ್ ಜೋಡಿ ಜನಪ್ರಿಯವಾಗಿತ್ತು. ಇವರಿಬ್ಬರೂ ನಿಜ ಜೀವನದಲ್ಲೂ ಅಷ್ಟೇ ಹತ್ತಿರವಾಗಿದ್ದಾರೆ.
ನಟಿ ಚಿತ್ಕಲಾ ಬಿರಾದರ್ ಅಮ್ಮಮ್ಮ ಪಾತ್ರ ಮಾಡುತ್ತಿದ್ದರು. ಇಂದಿಗೂ ಜನ ಅವರನ್ನು ಅಮ್ಮಮ್ಮ ಎಂದೇ ಪ್ರೀತಿಯಿಂದ ಗುರುತಿಸುತ್ತಾರೆ. ಇದೀಗ ಭುವಿ ಟೀಚರ್ ಮದುವೆಯಾಗುತ್ತಿರುವ ಸುದ್ದಿ ಅಮ್ಮಮ್ಮನ ಖುಷಿ ಹೆಚ್ಚಾಗಿಸಿದೆ. ತಮ್ಮ ಸಂತೋಷವನ್ನು ಅವರು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
‘ಈ ಒಂದು ಫೋಟೋಕ್ಕಾಗಿ ಅದೆಷ್ಟು ದಿನದಿಂದ ಕಾಯುತ್ತಿದ್ದೆ ಹುಡುಗೀ. ಅಂತೂ ಇಂತೂ ಬಂತು. ನಿಮಗಿಬ್ಬರಿಗೂ ಶುಭವಾಗಲಿ’ ಎಂದು ಅಮ್ಮಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಸ್ಟೇಟಸ್ ಹಾಕಿಕೊಂಡು ಖುಷಿಪಟ್ಟಿದ್ದಾರೆ. ಇದಕ್ಕೆ ರಂಜನಿ ಕೂಡಾ ಪ್ರತಿಕ್ರಿಯಿಸಿದ್ದು ಅಮ್ಮಮ್ಮನ ಪ್ರೀತಿಗೆ ಧನ್ಯವಾದ ಸಲ್ಲಿಸಿದ್ದಾರೆ.
