ಧಾರವಾಹಿ ನಿರ್ಮಾಪಕಿ ಏಕ್ತಾ ಕಪೂರ್ ಗೂ ಸಚಿನ್ ತೆಂಡುಲ್ಕರ್ ಎಂದರೆ ಭಯವಂತೆ!

ಮುಂಬೈ: ಧಾರವಾಹಿ ನಿರ್ಮಾಪಕಿ ಏಕ್ತಾ ಕಪೂರ್ ಗೂ ಕ್ರಿಕೆಟಿಗ ಸಚಿನ್ ತೆಂಡುಲ್ಕರ್ ಗೂ ಎತ್ತಣ ಸಂಬಂಧ? ಹಾಗಿದ್ದರೂ ತೆಂಡುಲ್ಕರ್ ಎಂದರೆ ಏಕ್ತಾ ಕಪೂರ್ ಭಯಬೀಳುತ್ತಿದ್ದರಂತೆ.

ಸಚಿನ್ ಎಂದರೆ ಶೇನ್ ವಾರ್ನ್ ಗೂ ಭಯವಿತ್ತಂತೆ. ಅದು ಸಹಜ. ಯಾಕೆಂದರೆ ಅವರಿಬ್ಬರು ಎದುರಾಳಿ ಕ್ರಿಕೆಟಿಗ. ಆದರೆ ಧಾರವಾಹಿ ನಿರ್ಮಾಪಕಿಯೊಬ್ಬರು ಹೀಗೆ ಹೇಳಲು ಕಾರಣ ಏನೆಂದು ಅವರೇ ಹೇಳಿದ್ದಾರೆ ನೋಡಿ.

‘ಸಚಿನ್ ಬ್ಯಾಟಿಂಗ್ ಮಾಡುತ್ತಿದ್ದಾಗ ನನ್ನ ಹೊಸ ಶೋ ಟಿವಿ ವಾಹಿನಿಗೆ ಹಾಕಲು ಭಯವಾಗುತ್ತಿತ್ತು. ಆಗ ಟಿಆರ್ ಪಿ ತುಂಬಾ ಕಡಿಮೆ ಇರುತ್ತಿತ್ತು. ನಾನು ಚಾನೆಲ್ ನವರನ್ನು ಕೇಳಿದರೆ ಸಚಿನ್ ಆಡುತ್ತಿದ್ದರು ಎನ್ನುತ್ತಿದ್ದರು. ಹಾಗಾಗಿ ಪ್ರತೀ ಬಾರಿ ಹೊಸ ಶೋ ಶುರು ಮಾಡುವಾಗಲೂ ಕ್ರಿಕೆಟ್ ಸೀಸನ್ ಆಗದಿರಲಿ ಎಂದು ಪ್ರಾರ್ಥಿಸುತ್ತಿದೆ’ ಎಂದು ಏಕ್ತಾ ಕಾರಣ ವಿವರಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ