ಸಂಸತ್ತಿನ ವಿಶ್ವಾಸ ಗೆದ್ದ ಪ್ರಧಾನಿ ಮೋದಿ

ನವದೆಹಲಿ: ಟಿಡಿಪಿ ನೇತೃತ್ವದಲ್ಲಿ ಮಂಡಿಸಲಾಗಿದ್ದ ಅವಿಶ್ವಾಸ ಮತವನ್ನು ಭಾರೀ ಬಹುಮತದೊಂದಿಗೆ ಗೆದ್ದಿರುವ ಪ್ರಧಾನಿ ಮೋದಿ ನೇತೃತ್ವದ  ಎನ್ ಡಿಎ ಸರ್ಕಾರ ಸದನದ ವಿಶ್ವಾಸ ಗಳಿಸಿದೆ.

ನಿನ್ನೆ ತಡ ರಾತ್ರಿಯವರೆಗೂ ಅವಿಶ್ವಾಸ ಗೊತ್ತುವಳಿ ಕುರಿತ ಚರ್ಚೆ, ಮತ ಪ್ರಕ್ರಿಯೆಗಳು ನಡೆದವು. ಒಟ್ಟು 451 ಸದಸ್ಯರು ನಿನ್ನೆ ಸದನದಲ್ಲಿ ಹಾಜರಿದ್ದರು. ಈ ಪೈಕಿ 325 ಸದಸ್ಯರು ಸರ್ಕಾರದ ಪರ ಮತ ಹಾಕಿದರೆ ಅವಿಶ್ವಾಸದ ಪರ ಕೇವಲ 126 ಮತಗಳು ಬಂದವಷ್ಟೇ.

ತಟಸ್ಥವಾಗಿರುತ್ತೇವೆಂದಿದ್ದ ಎಐಡಿಎಂಕೆ ಕೂಡಾ ಸರ್ಕಾರದ ಪರವಾಗಿ ಮತ ಹಾಕಿತು. ಬಿಜೆಡಿ ಸಭಾತ್ಯಾಗ ಮಾಡಿದರೆ, ಶಿವಸೇನೆ ತಟಸ್ಥವಾಗಿ ಉಳಿಯಿತು. ಅಂತೂ ಕೇಂದ್ರಕ್ಕೆ ಈ ಗೆಲುವು ಮುಂಬರುವ ಲೋಕಸಭೆ ಚುನಾವಣೆ ದೃಷ್ಟಿಯಿಂದ ದೊಡ್ಡ ಬೂಸ್ಟ್ ಆಗಲಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.