ಸತ್ತಾಗ ನಮ್ಮ ಅಂಗಾಂಗಗಳು ವ್ಯರ್ಥವಾಗಿ ಮಣ್ಣು ಸೇರುವ ಬದಲು ಅದು ಒಂದಷ್ಟು ಜನರಿಗೆ ಹೊಸ ಬದುಕು ನೀಡಿಲಿ. ಅಂಗಾಂಗ ದಾನ ಮಾಡಿ ಇನ್ನೊಬ್ಬರಿಗೆ ನೆರವಾಗಿ ಅನ್ನೋ ಕೂಗು ಈಗ ಜೋರಾಗಿ ಕೇಳಿ ಬರುತ್ತಿದೆ. ಅನೇಕರು ಅಂಗಾಂಗ ದಾನದತ್ತ ಈಗ ಹೆಚ್ಚಿನ ಆಸಕ್ತಿ ತೋರುತ್ತಿದ್ದಾರೆ. ಬಾಲಿವುಡ್ ನಟಿಯೊಬ್ಬರು ಈಗ ಇಂತಹದ್ದೇ ಉತ್ತಮ ನಿರ್ಧಾರವನ್ನು ಕೈಗೊಂಡಿದ್ದಾರೆ.
ಅಂದ್ಹಾಗೆ ಬಾಲಿವುಡ್ ನಲ್ಲಿ ಯಾರಪ್ಪಾ ಅಂಗಾಂಗ ದಾನ ಮಾಡುತ್ತಿರೋದು ಅಂತಾ ಅಂದುಕೊಳ್ಳಬೇಡಿ. ಬಾಲಿವುಡ್ ನಟಿ ಕೃತಿ ಸನೋನ್ ಅವರು ನೇತ್ರದಾನಕ್ಕೆ ಮುಂದಾಗಿದ್ದಾರೆ.ಈಗಾಗಲೇ ಬಾಲಿವುಡ್ ನಟಿ ಐಶ್ವರ್ಯಾ ರೈ ಅವರು ತಮ್ಮ ಕಣ್ಣುಗಳನ್ನು ದಾನ ಮಾಡುವ ನಿರ್ಧಾರ ಮಾಡಿದ್ದಾರೆ.ಅದರಂತೆ ಅವರದ್ದೇ ಹಾದಿಯಲ್ಲಿ ಸಾಗಿದ್ದಾರೆ ನಟಿ ಕೃತಿ ಸನೋನ್.
ಸುಂದರವಾದ ಜಗತ್ತನ್ನು ನೋಡುವಂತಹ ಅವಕಾಶ ಸಿಕ್ಕಿರೋದು ನಮಗೆ ಬಹು ದೊಡ್ಡ ಕಾಣಿಕೆ.ಆದರೆ ಅದೆಷ್ಟೋ ಜನರಿಗೆ ಈ ಅವಕಾಶ ಇಲ್ಲ. ಅಂತಹವರಿಗೆ ಒಂದು ಅವಕಾಶ ಸಿಗಲಿ ಅನ್ನೋ ಕಾರಣಕ್ಕೆ ಕೃತಿ ಸನೋನ್ ಇಂತಹ ನಿರ್ಧಾರಕ್ಕೆ ಬಂದಿದ್ದಾರೆ.
ಬಹು ವರ್ಷಗಳಿಂದ ಕೃತಿ ಸನೋನ್ ಅವರು ತಾನು ಕಣ್ಣುಗಳನ್ನು ದಾನ ಮಾಡಬೇಕು ಅಂತಾ ಯೋಚಿಸುತ್ತಲೇ ಇದ್ದರಂತೆ. ಅದರಂತೆ ಅವರು ಮೊನ್ನೆ ನೇತ್ರದಾನ ಅರ್ಜಿಗೆ ಸಹಿ ಹಾಕಿದ್ದಾರೆ. ಸದ್ಯ ಕೃತಿ ಸನೋನ್ ಅವರು ಸುಶಾಂತ್ ಸಿಂಗ್ ರಜಪೂತ್ ಅವರೊಂದಿಗೆ ರಾಬ್ತಾ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಸಿನಿಮಾದಲ್ಲಿ ಜೊತೆಯಾಗಿರುವ ಇವರ ನಡುವೆ ಲವ್ವಿ ಡವ್ವಿ ನಡೆಯುತ್ತಿದೆ ಅನ್ನೋ ಸುದ್ದಿ ಕೂಡ ಕೇಳಿ ಬರುತ್ತಿದೆ.
ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ
