ತಾನು ಸಂಪೂರ್ಣವಾಗಿ ಆರೋಗ್ಯವಾಗಿ, ಸಂತೋಷವಾಗಿ ಇದ್ದೇನೆ ಎಂದು ಬಾಲಿವುಡ್‌ನ ಖ್ಯಾತ ನಟಿ ಫರೀದಾ ಜಲಾಲ್ ತಿಳಿಸಿದ್ದಾರೆ. ತಾನು ಮೃತಪಟ್ಟಿದ್ದೇನೆಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿರುವ ಸುದ್ದಿಯ ಹಿನ್ನೆಲೆಯಲ್ಲಿ ತಾನು ಬದುಕಿದ್ದೇನೆ ಇನ್ನೂ ಸತ್ತಿಲ್ಲ ಎಂದು ಹೇಳಬೇಕಾದ ಪರಿಸ್ಥಿತಿ ಅವರದು.
ಈ ವಯಸ್ಸಲ್ಲಿ ಪಾಪ ಅವರಿಗೆ ಈ ರೀತಿ ಮಾನಸಿಕ ವೇದನೆ ಕೊಡಬಾರದಿತ್ತು. ಈ ರೀತಿಯ ವದಂತಿಗಳನ್ನು ಯಾಕಾದರೂ ಹರಡುತ್ತಾರೋ ತನಗೆ ಅರ್ಥವಾಗುತ್ತಿಲ್ಲ ಎಂದು 67 ವರ್ಷಗಳ ಫರೀದಾ ತುಂಬ ಬೇಸರ ವ್ಯಕ್ತಪಡಿಸಿದ್ದಾರೆ. ಯಾವುದೇ ಆಧಾರ ಇಲ್ಲದ ಈ ರೀತಿಯ ವದಂತಿಗಳು ಅದೆಲ್ಲಿಂದ ಬರುತ್ತವೋ ಗೊತ್ತಿಲ್ಲ ಎಂದಿದ್ದಾರೆ.
ಅದನ್ನು ಕೇಳಿ ಮೊದಲು ಜೋರಾಗಿ ನಗುಬಂತು. ಆದರೆ ನನ್ನ ಮನೆಯಲ್ಲಿನ ಫೋನ್ ಮಾತ್ರ ಹೊಡೆದುಕೊಳ್ಳುತ್ತಲೇ ಇದೆ. ಎಲ್ಲರೂ ಅದೇ ಪ್ರಶ್ನೆ ಕೇಳುತ್ತಿದ್ದಾರೆ. ಇದರಿಂದ ಸ್ವಲ್ಪ ಕಸಿವಿಸಿಯಾಗುತ್ತಿದೆ ಎಂದಿದ್ದಾರೆ. ಶೀಘ್ರದಲ್ಲೇ ತೆರೆಕಾಣಲಿರುವ ’ಸರ್ಗೋಷಿಯಾನ್’ ಎಂಬ ಚಿತ್ರದಲ್ಲಿ ಮತ್ತೊಮ್ಮೆ ಕಾಶ್ಮೀರಿ ಮಹಿಳೆಯಾಗಿ ಅವರು ಕಾಣಿಸಲಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
