ಅಪಾಯಕಾರಿ ಕೆಲಸಕ್ಕೆ ಕೈ ಹಾಕಿದ ನಟಿ ಅದಾ ಶರ್ಮಾ ಮೇಲೆ ಜನರ ಆಕ್ರೋಶ

ಮುಂಬೈ : ಕಿಕಿ ಚಾಲೆಂಜ್ ಎಂಬ ಅಪಾಯಕಾರಿ ಚಾಲೆಂಜ್ ಈಗ ಎಲ್ಲಾ ಕಡೆ ವೈರಲ್ ಆಗಿದೆ. ಆದರೆ ಇದನ್ನು ಯಾರು ಸ್ವೀಕರಿಸಬೇಡಿ ಎಂದು ಮುಂಬೈ ಪೊಲೀಸರು ಎಚ್ಚರಿಕೆ ನೀಡಿದ್ದರೂ ಕೂಡ ಇದೀಗ ಬಾಲಿವುಡ್ ನಟಿ ಅದಾ ಶರ್ಮಾ ಅದನ್ನು ಸ್ವೀಕರಿಸಿ ಟ್ವೀಟರ್ ನಲ್ಲಿ ಹಾಕಿ ಜನರ ಆಕ್ರೋಶಕ್ಕೆ ಕಾರಣರಾಗಿದ್ದಾರೆ.

ಹೌದು, ಈ ಕಿಕಿ ಚಾಲೆಂಜ್ಗೆ ಮೈ ಫೀಲಿಂಗ್ಸ್ ಚಾಲೆಂಜ್‌ ಎಂದೂ ಕೂಡ ಕರೆಯುತ್ತಾರೆ. ಕಾರಿನಿಂದ ಜಿಗಿದು ಹಾಲಿವುಡ್‌ ಗಾಯಕ ಡ್ರೇಕ್‌ನ ಇನ್‌'ಮೈ ಫೀಲಿಂಗ್ಸ್' ಹಾಡಿಗೆ ಕಾರಿನ ವೇಗಕ್ಕೆ ಸರಿ ಹೊಂದುವಂತೆ ನೃತ್ಯ ಮಾಡಿ ನಂತರ ಮತ್ತೆ ಕಾರಿನೊಳಗೆ ಜಿಗಿಯುವ ಅಪಾಯಕಾರಿ ಚಾಲೆಂಜ್‌ ಇದಾಗಿದೆ. ಆದರೆ ಈ ಚಾಲೆಂಜ್ ನ್ನು ಬಾಲಿವುಡ್ ನಟಿ ಅದಾ ಶರ್ಮಾ ಸ್ವೀಕರಿಸಿ ಟ್ವೀಟ್‌ ಮಾಡಿದ್ದಾರೆ.

ಇದಕ್ಕೆ ಅನೇಕರು ಆಕ್ಷೇಪ ವ್ಯಕ್ತಪಡಿಸಿದ್ದು, ಪೊಲೀಸರೇ ಈ ಅಪಾಯಕಾರಿ ಚಾಲೆಂಜ್‌ ಸ್ವೀಕರಿಸಬೇಡಿ ಎಂದು ಎಚ್ಚರಿಕೆ ಕೊಡುವಾಗ ನಟಿಯಾಗಿ ನೀವು ಜನರನ್ನು ಆ ಅಪಾಯಕಾರಿ ಚಾಲೆಂಜ್ ಸ್ವೀಕರಿಸಲು ಪ್ರೇರೇಪಿಸುವ ರೀತಿಯಲ್ಲಿ ನಡೆದುಕೊಂಡಿರುವುದು ಸರಿಯಲ್ಲ ಎಂದು ಹೇಳಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ