ನಟಿ ಮಾಧುರಿ ದೀಕ್ಷಿತ್ ಮೇಲಿನ ಮುನಿಸಿನಿಂದ ‘ಶಿದ್ದತ್’ ಚಿತ್ರತಂಡದಿಂದ ಹೊರಬಂದ ಸಂಜಯ್ ದತ್!
ಶನಿವಾರ, 31 ಮಾರ್ಚ್ 2018 (05:28 IST)
ಮುಂಬೈ : ಕರಣ್ ಜೋಹರ್ ನಿರ್ಮಾಣದಲ್ಲಿ ಮೂಡಿಬರುತ್ತಿರುವ ‘ಶಿದ್ದತ್’ ಸಿನಿಮಾದಲ್ಲಿ ನಟಿಸಲು ಬಾಲಿವುಡ್ ನಟ ಸಂಜಯ್ ದತ್ ಅವರು ಹಿಂದೇಟು ಹಾಕಿದ್ದಾರಂತೆ.
ಈ ಹಿಂದೆ ‘ಶಿದ್ದತ್’ ಚಿತ್ರದಲ್ಲಿ ಸಂಜಯ್ ದತ್ ಅವರಿಗೆ ಜೋಡಿಯಾಗಿ ಶ್ರೀದೇವಿ ಅವರು ನಟಿಸಬೇಕಿತ್ತು. ಆದರೆ ಶ್ರೀದೇವಿ ಅವರ ಅಕಾಲಿಕ ಮರಣದ ಕಾರಣ ಈ ಚಿತ್ರಕ್ಕೆ ಮಾಧುರಿ ದೀಕ್ಷಿತ್ ಅವರನ್ನು ಆಯ್ಕೆಮಾಡಲಾಗಿತ್ತು. ಆದರೆ ಇದೀಗ ಈ ಚಿತ್ರಕ್ಕೆ ನಟಿ ಮಾಧುರಿ ದೀಕ್ಷಿತ್ ಅವರು ಆಯ್ಕೆಯಾದ ತಕ್ಷ ಣ ನಟ ಸಂಜಯ್ ದತ್ ಆ ಸಿನಿಮಾ ತಂಡದಿಂದ ಹೊರ ಬರಲು ನಿರ್ಧರಿಸಿದ್ದಾರೆ.
ಕೆಲವು ದಶಕಗಳ ಹಿಂದೆ ಖಳ್‌ನಾಯಕ್‌, ಸಾಜನ್‌ ಮುಂತಾದ ಹಿಟ್‌ ಸಿನಿಮಾಗಳಲ್ಲಿ ಜೋಡಿಯಾಗಿ ನಟಿಸಿದ್ದ ಈ ಜೋಡಿ ಬಗ್ಗೆ ಕೆಲವು ಗಾಸಿಪ್‌ಗಳೂ ಇದ್ದವು. ಆಮೇಲೆ ಇವರ ನಡುವಿನ ಸಂಬಂಧ ಬಿರುಕು ಬಿಟ್ಟಿತ್ತು. ಈಗಲೂ ಮಾಧುರಿ ಮೇಲೆ ವೈಮನಸ್ಸು ಹೊಂದಿರುವ ಸಂಜಯ್ ದತ್ ಅವರಿಗೆ ಮಾಧುರಿ ಅವರ ಜೊತೆ ನಟಿಸಲು ಇಷ್ಟವಿಲ್ಲದ ಕಾರಣ ಅವರು ಈ ನಿರ್ಧಾರ ಮಾಡಿದ್ದಾರಂತೆ. ಆದ್ದರಿಂದ ಅವರ ಪಾತ್ರಕ್ಕೆ ಅನಿಲ್‌ ಕಪೂರ್‌ರನ್ನು ಕರೆ ತರುವ ನಿರ್ಧಾರ ಚಿತ್ರತಂಡ ಮಾಡಿರುವುದಾಗಿ ತಿಳಿದುಬಂದಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
