ವೋಗ್ ಕವರ್‌ ಪೇಜ್‌‌ನಲ್ಲಿ ಮಿಂಚಿದ ಸುಹಾನಾ ಖಾನ್!

ಬಾಲಿವುಡ್ ಬಾದ್ ಶಾಹ್ ಶಾರೂಖ್ ಖಾನ್ ಅವರ ಮಗಳು ಸುಹಾನ ಖಾನ್ ಬಾಲಿವುಡ್‌ಗೆ ಎಂಟ್ರಿ ನೀಡುವ ಮುಂಚೇನೆ ವೋಗ್ ಫ್ಯಾಷನ್ ಮ್ಯಾಗಜೀನ್‌ ಕವರ್‌ ಪೇಜ್‌‌ನಲ್ಲಿ ತನ್ನ ಬೋಲ್ಡ್ ಆಟಿಟ್ಯೂಡ್ ಹಾಗೂ ಲುಕ್‌ನಿಂದ ಮಿಂಚಿದ್ದಾರೆ.

ವೋಗ್ ಇಂಡಿಯಾ ಆಗಸ್ಟ್ ಸಂಚಿಕೆಯ ಕವರ್‌ ಪೇಜ್‌‌ನಲ್ಲಿ ಸುಹಾನಾ ಖಾನ್ ಫೋಟೋ ಪ್ರಕಟವಾಗಿದ್ದು ಆಕೆಯ ಮೊದಲ ಸಂದರ್ಶನ ಕೂಡ ಪ್ರಕಟವಾಗಿದೆ. ವೋಗ್‌ನಲ್ಲಿ ಸುಹಾನಾ ಹಾಟ್ ಫೋಟೋ ನೋಡಿ ಕೆಲವರು ಮೆಚ್ಚುಗೆ ವ್ಯಕ್ತಪಡಿಸಿದರೆ, ಇನ್ನೂ ಕೆಲವರು ಟೀಕೆ ಮಾಡುತ್ತಿದ್ದಾರೆ.

ಸುಹಾನಾ ಯಾವಾಗ ಚಿತ್ರರಂಗಕ್ಕೆ ಬರ್ತಾಳೆಂಬುದು ಇನ್ನೂ ಬಹಿರಂಗವಾಗಿಲ್ಲ, ಆದ್ರೆ ಬಿಟೌನ್‌ನಲ್ಲಿ ಸದ್ಯ ಕರಣ್ ಜೋಹರ್ ಚಿತ್ರಕ್ಕೆ ಸುಹಾನಾ ಖಾನ್ ಪಾದಾರ್ಪಣೆ ಮಾಡಲಿದ್ದಾರೆ ಎಂದು ಸದ್ದು ಕೇಳಿಬರುತ್ತಿದೆ.

ನನ್ನ ಮಗಳನ್ನು ಮತ್ತೆ ನನ್ನ ಕೈಯಲ್ಲಿ ಎತ್ತಿಕೊಳ್ಳುತ್ತಿದ್ದೇನೆ, ಧನ್ಯವಾದಗಳು ವೋಗ್. ಮಕ್ಕಳ ವಿಷಯ ಬಂದಾಗ ಪೋಷಕರು ಬಹಳ ನಿರೀಕ್ಷೆಗಳನ್ನಿಟ್ಟುಕೊಳ್ಳುತ್ತಾರೆ. ಮಕ್ಕಳನ್ನು ತುಂಬಾ ಪ್ರೀತಿಸುತ್ತಾರೆ. ಪ್ರೀತಿಯ ಅಪ್ಪುಗೆ ಸುಹಾನಾ ಖಾನ್ ಎಂದು ಮಗಳ ಫೋಟೋ ಇರುವ ವೋಗ್ ಮ್ಯಾಗಜೀನ್‌ ಅನ್ನು ಹಿಡಿದಿರುವ ಫೋಟೋವನ್ನು ಶಾರುಕ್ ಖಾನ್ ಮತ್ತು ಗೌರಿ ಖಾನ್ ತಮ್ಮ ಟ್ವಿಟರ್ ಹಾಗು ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.