ಚಿಕಿತ್ಸೆಗೆ ಹಣವಿಲ್ಲದೇ, ಒದ್ದಾಡುತ್ತಿದ್ದ ಪೂಜಾ ದಾದ್ವಾಲ್ ಗೆ ಸಹಾಯ ನೀಡುವುದರ ಬಗ್ಗೆ ಸಲ್ಮಾನ್ ಖಾನ್ ಹೇಳಿದ್ದೇನು…?

ಮುಂಬೈ : ಟಿಬಿ ಕಾಯಿಲೆಯಿಂದ ಬಳಲುತ್ತಿದ್ದು, ಚಿಕಿತ್ಸೆಗೆ ಹಣವಿಲ್ಲದೇ ಕಷ್ಟದಲ್ಲಿದ್ದ ಬಾಲಿವುಡ್ ನಟಿ ಪೂಜಾ ದಾದ್ವಾಲ್ ಅವರಿಗೆ ಇದೀಗ ನಟ ಸಲ್ಮಾನ್ ಖಾನ್ ಅವರು ಸಹಾಯಹಸ್ತ ನೀಡುವ ಭರವಸೆ ಕೊಟ್ಟಿದ್ದಾರೆ.

ಇತ್ತಿಚೆಗೆ ನಟಿ ಪೂಜಾ ದಾದ್ವಾಲ್ ಅವರು ಚಿಕಿತ್ಸೆಗಾಗಿ ಹಣವಿಲ್ಲದೆ ಸಹಾಯ ಮಾಡುವಂತೆ ಕೇಳಿಕೊಳ್ಳುವುದಕ್ಕಾಗಿ  ಸಲ್ಮಾನ್ ಖಾನ್ ಅವರನ್ನು ಸಂಪರ್ಕಿಸಲು ಪ್ರಯತ್ನಿಸಿದರೂ ಸಾಧ್ಯವಾಗದೆ ನಿರಾಸೆಗೊಂಡಿದ್ದ ನಟಿಗೆ ಭೋಜ್ಪುರಿ ನಟ ರವಿ ಕಿಶನ್ ಅವರು ಸಹಾಯ ಮಾಡಿದ್ದರು. ಆದರೆ ಇದೀಗ ನಟಿಯ ಅನಾರೋಗ್ಯದ ಬಗ್ಗೆ ಮಾಧ್ಯಮ ಪ್ರತಿನಿಧಿಗಳ ಮೂಲಕ ತಿಳಿದುಕೊಂಡ ನಟ ಸಲ್ಮಾನ್ ಖಾನ್ ಅವರು ಎಷ್ಟು ಸಾಧ್ಯವೋ ಅಷ್ಟು ನನ್ನಿಂದ ಅವರಿಗೆ ಸಹಾಯ ನೀಡಲಾಗುತ್ತದೆ ಎಂದು ಭರವಸೆ ನೀಡಿದ್ದಾರೆ. ಹಾಗೇ 'ವೀರಗತಿ' ಎನ್ನುವ ಚಿತ್ರದಲ್ಲಿ ಸಲ್ಮಾನ್ ಖಾನ್ ಜೊತೆ ಪೂಜಾ ನಟಿಸಿದ್ದರು ಎಂದು ಸುದ್ದಿಯಾಗಿದ್ದು ಈ ಬಗ್ಗೆ ಪ್ರತಿಕ್ರಿಯಿಸಿದ ಸಲ್ಮಾನ್ ಖಾನ್ ಅವರು ಅತುಲ್ ಅಗ್ನಿಹೋತ್ರಿ ಎಂಬ ನಟನ ಜೊತೆ ಪೂಜಾ ನಟಿಸಿದ್ದರು, ನನ್ನ ಜತೆಯಲ್ಲ ಎಂದು ಅದೇ ಸಂದರ್ಭದಲ್ಲಿ ತಿಳಿಸಿದ್ದರು.  

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ