ಬಾಲಿವುಡ್ ನಟಿ ಜಾನ್ವಿ ಕಪೂರ್ ಅವರು ಶಿಖರ್ ಪಹರಿಯಾ ಜತೆ ಪ್ರೀತಿಯಲ್ಲಿ ವಿಚಾರ ಬಾಲಿವುಡ್ ಅಂಗಳದಲ್ಲಿ ಗೊತ್ತಿರುವ ವಿಚಾರ. ಸೈಲೆಟ್ ಆಗಿರುವ ಶಿಖರ್ ಅವರು ಇದೀಗ ಸುದ್ದಿಯಲ್ಲಿದ್ದಾರೆ. ಇದಕ್ಕೆ ಕಾರಣ ಅವರನ್ನು ಜಾತಿಯನ್ನು ಗುರಿಯಾಗಿಸಿ ಮಾಡಿರುವ ಕಮೆಂಟ್‌. ಈ ವಿಚಾರವಾಗಿ ಬಳಕೆದಾರರೊಬ್ಬರ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ.
ಕಳೆದ ವರ್ಷ, ಶಿಖರ್ ತಮ್ಮ ಪ್ರಿಯತಮೆ ಜಾನ್ವಿ ಕಫೂರ್ ಹಾಗೂ ಸಾಕು ಪ್ರಾಣಿಗಳ ಜತೆ ಫೋಟೋವನ್ನು ಹಂಚಿ ದೀಪಾವಳಿಗೆ ಶುಭಕೋರಿದ್ದರು. ಈ ಫೋಟೋಗೆ ಬಳಕೆದಾರರು ಹೀಗೆ ಕಾಮೆಂಟ್ ಮಾಡಿದ್ದರು: "ಲೇಕಿನ್ ತು ತೋ ದಲಿತ್ ಹೈ (ಆದರೆ, ನೀವು ದಲಿತರು)."
ಶಿಖರ್ ಈ ಕಾಮೆಂಟ್ ಅನ್ನು ಗಮನಿಸಿ, ಸುಮ್ಮನಿರದೆ ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಬಳಕೆದಾರರ ಪೋಸ್ಟ್‌ನ ಸ್ಕ್ರೀನ್‌ಶಾಟ್ ಅನ್ನು ಹಂಚಿಕೊಂಡರು, "2025 ರಲ್ಲಿ, ನಿಮ್ಮಂತಹ ಸಣ್ಣ, ಹಿಂದುಳಿದ ಮನಸ್ಥಿತಿ ಹೊಂದಿರುವ ಜನರು ಇನ್ನೂ ಇದ್ದಾರೆ ಎಂಬುದು ಪ್ರಾಮಾಣಿಕವಾಗಿ ವಿಷಾದಕರ. ದೀಪಾವಳಿಯು ಬೆಳಕು, ಪ್ರಗತಿ ಮತ್ತು ಏಕತೆ-ಪರಿಕಲ್ಪನೆಗಳ ಹಬ್ಬವಾಗಿದ್ದು, ಅದು ನಿಮ್ಮ ಸೀಮಿತ ಬುದ್ಧಿಶಕ್ತಿಯನ್ನು ಮೀರಿದೆ" ಎಂದು ಬರೆದಿದ್ದಾರೆ.
