ಲಾರ್ಡ್ಸ್ನಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆಯುವ ಮೊದಲ ಟೆಸ್ಟ್ ಪಂದ್ಯಕ್ಕೆ ಮುನ್ನ, ಪಾಕಿಸ್ತಾನದ ವೇಗಿ ವಾಹಬ್ ರಿಯಾಜ್ ಸೋಮವಾರ ಕಳಂಕಿತ ಪೇಸರ್ ಮೊಹಮ್ಮದ್ ಅಮೀರ್ ಅವರನ್ನು ಬೆಂಬಲಿಸಿದ್ದಾರೆ. ಅಮೀರ್ ಅವರು ಸ್ಪಾಟ್ ಫಿಕ್ಸಿಂಗ್ ಅಪರಾಧವೆಸಗಿದ ಲಾರ್ಡ್ಸ್ ಮೈದಾನದಲ್ಲಿ ಆಡುತ್ತಿದ್ದು, ಮಿಷಬ್ ಉಲ್ ಹಕ್ ಸಾರಥ್ಯ ತಂಡ ಇಂಗ್ಲೆಂಡ್ನಲ್ಲಿ ಕಾಲಿರಿಸಿದಾಗಿನಿಂದಲೂ ಅಮೀರ್ ಚರ್ಚೆಯ ವಸ್ತುವಾಗಿದ್ದಾರೆ. ಅಮೀರ್ ಪುನಃ ವಾಪಸಾಗಿರುವುದು ನಮಗೆ ಸಂತೋಷವಾಗಿದೆ. ಅವರು ಯಾವುದೇ ಎದುರಾಳಿಗೆ ಅಪಾಯಕಾರಿ ಬೌಲರ್ ಎಂದು ವಾಹಬ್ ಹೇಳಿದರು.
ಇಂಗ್ಲೆಂಡ್ ನಾಯಕ ಅಲಸ್ಟೈರ್ ಕುಕ್, ಜೋಯ್ ರೂಟ್ ಅವರನ್ನು ಹೊರತುಪಡಿಸಿ ಯುವ ಆಟಗಾರರಾದ ಗ್ಯಾರಿ ಬಾಲನ್ಸ್, ಜೇಮ್ಸ್ ವಿನ್ಸ್ ಮುಂತಾದವರು ಪಾಕಿಸ್ತಾನದ ಪ್ರಚಂಡ ಬೌಲಿಂಗ್ ದಾಳಿ ನಿಭಾಯಿಸುವುದು ಕಷ್ಟ ಎಂದರು.