ಬಾಂಗ್ಲಾದೇಶ ಪೊಲೀಸರು11 ವರ್ಷದ ಮನೆಸೇವಕಿಯನ್ನು ಥಳಿಸಿ, ಚಿತ್ರಹಿಂಸೆ ನೀಡಿದ ಆರೋಪಗಳಿಗೆ ಸಂಬಂಧಿಸಿದಂತೆ ಅಂತಾರಾಷ್ಟ್ರೀಯ ಕ್ರಿಕೆಟರ್ ಶಹಾದತ್ ಹುಸೇನ್ ಪತ್ನಿಯನ್ನು ಬಂಧಿಸಿದ್ದಾರೆ. ಢಾಕಾ ರಾಜಧಾನಿಯ ಬೀದಿಯಲ್ಲಿ ಗಾಯಗೊಂಡಿದ್ದ ಮನೆಕೆಲಸದ ಬಾಲಕಿ ಅಳುತ್ತಿದ್ದ ದೃಶ್ಯವನ್ನು ಕಂಡ ಬಳಿಕ ಪೊಲೀಸರು ಹುಸೇನ್ ಮನೆ ಮೇಲೆ ದಾಳಿ ಮಾಡಿದ್ದರಿಂದ ಬಾಂಗ್ಲಾ ಕ್ರಿಕೆಟ್ ಮಂಡಳಿ ಅವರನ್ನು ಅಮಾನತುಗೊಳಿಸಿತ್ತು.
ಮನೆಕೆಲಸದ ಬಾಲಕಿ ಮಹಫುಜಾ ಅಕ್ತರ್ ಪೊಲೀಸರಿಗೆ ದೂರು ನೀಡುತ್ತಾ, ದಂಪತಿ ತನ್ನನ್ನು ಥಳಿಸಿದರೆಂದು ತಿಳಿಸಿದ್ದಾಳೆ. ಟೆಲಿವಿಷನ್ ಫೂಟೇಜ್ನಲ್ಲಿ ಅವಳು ತೀರಾ ನಿಶ್ಯಕ್ತಳಾಗಿದ್ದು, ಕಣ್ಣುಗಳು ಊದಿಕೊಂಡು ಕಪ್ಪು ಬಣ್ಣಕ್ಕೆ ತಿರುಗಿತ್ತು. ಅವರ ಕೈಗಳ ಮೇಲೆ ಅಡುಗೆಯ ಸೌಟಿನಿಂದ ಬರೆ ಇಟ್ಟಿದ್ದು ದೇಹದ ತುಂಬಾ ಗಾಯದ ಗುರುತುಗಳಿದ್ದವು.