ಲಂಡನ್: ಭಾರತದ ವಿರುದ್ಧ ಐದು ಟೆಸ್ಟ್ ಪಂದ್ಯಗಳ ಸರಣಿ ಆಡಲು ಇಂಗ್ಲೆಂಡ್ ಕ್ರಿಕೆಟ್ ಸಂಸ್ಥೆ 16 ಸದಸ್ಯರ ತಂಡ ಪ್ರಕಟಿಸಿದೆ.
ಪ್ರಸಕ್ತ ಬಾಂಗ್ಲಾದೇಶದ ವಿರುದ್ಧ ಆಡುತ್ತಿರುವ ತಂಡವನ್ನೇ ಭಾರತ ಸರಣಿಗೂ ಉಳಿಸಿಕೊಂಡಿದೆ. ವೇಗಿ ಜೇಮ್ಸ್ ಆಂಡರ್ಸನ್ ಮೊದಲ ಟೆಸ್ಟ್ ನಲ್ಲಿ ಆಡುತ್ತಿಲ್ಲ. ಉಳಿದ ನಾಲ್ಕು ಪಂದ್ಯಗಳಿಗೆ ಅವರು ಲಭ್ಯರಿರುತ್ತಾರೆ ಎಂದು ಆಯ್ಕೆಗಾರರು ತಿಳಿಸಿದ್ದಾರೆ.
ಇಂಗ್ಲೆಂಡ್-ಭಾರತ ಮೊದಲ ಟೆಸ್ಟ್ ಪಂದ್ಯ ರಾಜ್ ಕೋಟ್ ನಲ್ಲಿ ನವಂಬರ್ 9 ರಿಂದ ಪ್ರಾರಂಭವಾಗಲಿದೆ. ಉಳಿದ ಪಂದ್ಯಗಳು ವಿಶಾಖ ಪಟ್ಟಣ, ಮೊಹಾಲಿ, ಮುಂಬೈ ಮತ್ತು ಚೆನ್ನೈ ಯಲ್ಲಿ ನಡೆಯಲಿದೆ.
ಇಂಗ್ಲೆಂಡ್ ತಂಡ ಇಂತಿದೆ: ಅಲಸ್ಟರ್ ಕುಕ್ (ನಾಯಕ), ಮೊಯಿನ್ ಆಲಿ, ಝಫರ್ ಅನ್ಸಾರಿ, ಜಾನಿ ಬೇರ್ ಸ್ಟೋ, ಜೇಕ್ ಬಾಲ್, ಗ್ಯಾರಿ ಬ್ಯಾಲೆನ್ಸ್, ಗೆರೆತ್ ಬ್ಯಾಟಿ, ಸ್ಟುವರ್ಟ್ ಬ್ರಾಡ್, ಜಾಸ್ ಬಟ್ಲರ್, ಬೆನ್ ಡಕೆಟ್, ಸ್ಟೀವನ್ ಫಿನ್, ಹಸೀಬ್ ಹಮೀದ್, ಆದಿಲ್ ರಶೀದ್, ಜೋ ರೂಟ್, ಬೆನ್ ಸ್ಟೋಕ್, ಕ್ರಿಸ್ ವೋಕ್ಸ್.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
