ಆರಂಭಿಕ ಆಟಗಾರ ಕ್ರಿಸ್ ರೋಜರ್ಸ್ 50 ಅಜೇಯ ರನ್‌ಗಳೊಂದಿಗೆ ಆಡುತ್ತಿದ್ದು, ಉಳಿದ ಬ್ಯಾಟ್ಸ್‌ಮನ್‌ಗಳು ಆಂಡರ್‌ಸನ್ ಅವರ ವೇಗದ ಬೌಲಿಂಗ್‌‍ಗೆ ತತ್ತರಿಸಿ ಪೆವಿಲಿಯನ್ ಹಾದಿ ಹಿಡಿದರು. ಮಳೆಯಿಂದಾಗಿ ಮೊದಲದಿನದಾಟಕ್ಕೆ ಬ್ರೇಕ್ ಬಿದ್ದಿದೆ. ಆಸ್ಟ್ರೇಲಿಯಾ ಆರಂಭದಲ್ಲೇ ಡೇವಿಡ್ ವಾರ್ನರ್ ಆಂಡರ್‌ಸನ್ ಎಸೆತಕ್ಕೆ ಎಲ್‌ಬಿಡಬ್ಲ್ಯುಗೆ ಬಲಿಯಾದ ಬಳಿಕ ಆಸ್ಟ್ರೇಲಿಯಾ ಪತನ ಆರಂಭವಾಯಿತು.
ಅದಾದ ಬಳಿಕ ಒಬ್ಬರಾದ ಮೇಲೆ ಒಬ್ಬರು ಪೆವಿಲಿಯನ್ ಹಾದಿ ಹಿಡಿದು 7 ವಿಕೆಟ್ ಕಳೆದುಕೊಂಡು ಆಸ್ಟ್ರೇಲಿಯಾ 94 ರನ್ ಗಳಿಸಿದೆ. ಜೇಮ್ಸ್ ಆಂಡರಸನ್ 11 ಓವರುಗಳಲ್ಲಿ 23 ರನ್ ನೀಡಿ 5 ವಿಕೆಟ್ ಕಬಳಿಸುವ ಮೂಲಕ ಶ್ರೇಷ್ಟ ಬೌಲಿಂಗ್ ಸಾಧನೆ ಮಾಡಿದರು. ಸ್ಟೀವನ್ ಫಿನ್ 23 ವಿಕೆಟ್ ಕಬಳಿಸಿದರು. ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ತಲಾ ಒಂದು ಪಂದ್ಯದಲ್ಲಿ ಗೆದ್ದಿದ್ದು, ಈ ಪಂದ್ಯದಲ್ಲಿ ವಿಜಯಲಕ್ಷ್ಮಿ ಯಾರ ಕೊರಳಿಗೆ ಬೀಳುವುದೋ ಎಂಬ ಕುತೂಹಲ ಮೂಡಿಸಿದೆ.
