ಇಂಗ್ಲೆಂಡ್‌ನ ಸರ್ವಕಾಲಿಕ ಏಕದಿನ ಪಂದ್ಯಗಳ ಟಾಪ್ ಸ್ಕೋರರ್ ಐಯಾನ್ ಬೆಲ್ 50 ಓವರುಗಳ ಸ್ವರೂಪದ ಕ್ರಿಕೆಟ್ಗೆ ನಿವೃತ್ತಿಯನ್ನು ಘೋಷಿಸಿದ್ದಾರೆ. ಟೆಸ್ಟ್ ಕ್ಷೇತ್ರದಲ್ಲಿ ತಮ್ಮ ವೃತ್ತಿಜೀವನವನ್ನು ಮುಂದುವರಿಸುವ ಪ್ರಯತ್ನವಾಗಿ ಏಕ ದಿನ ಪಂದ್ಯಗಳಿಗೆ ತಮ್ಮ ನಿವೃತ್ತಿಯನ್ನು ಪ್ರಕಟಿಸಿದರು. 161 ಏಕದಿನ ಪಂದ್ಯಗಳಲ್ಲಿ ಬೆಲ್ 5416 ರನ್ ಮಾಡಿದ್ದು, 37. 87 ರನ್ ಸರಾಸರಿಯೊಂದಿಗೆ ಮುಗಿಸಿದ್ದಾರೆ.
ಬೆಲ್ ಅವಧಿಯಲ್ಲಿ ಇಂಗ್ಲೆಂಡ್ ಐದು ಬಾರಿ ಆಷಸ್ ಗೆದ್ದಿದ್ದು, ಫಾರಂ ಇಲ್ಲದೇ ತಿಣುಕಾಡುತ್ತಿದ್ದರೂ, ಹಿಂದಿನ ಎರಡು ಆಶಸ್ ಸರಣಿಯಲ್ಲಿ ಬ್ಯಾಟಿಂಗ್ ಕಳಪೆಯಾಗಿದ್ದರೂ, ವಿಶಿಷ್ಠ ದಾಖಲೆಯ ಮೇಲೆ ಕಣ್ಣಿರಿಸಿದ್ದಾರೆ. 6 ಬಾರಿ ಆಶಸ್ ವಿಜೇತರಾಗಬೇಕೆಂಬುದು ನಿಮ್ಮ ಬಯಕೆಯೇ ಎಂದು ಕೇಳಲಾಗಿದ್ದು, ಹೌದು ಎಂದು ಹೇಳಲು ನಾನು ಬಯಸುತ್ತೇನೆ. ನಾನು ಚೆನ್ನಾಗಿ ಆಡುತ್ತಿದ್ದರೆ ಮತ್ತು ಫಿಟ್ ಆಗಿದ್ದರೆ, ಅದು ಯಾವುದೇ ಅನುಮಾನವಿಲ್ಲದೇ ನನ್ನ ಗುರಿಯಾಗಿದೆ ಬೆಲ್ ಬರೆದಿದ್ದಾರೆ.
