ಭಾರತದ ಸ್ಟಾರ್ ಬ್ಯಾಟ್ಸ್ಮನ್ ವಿರಾಟ್ ಕೊಹ್ಲಿ ಟ್ವೆಂಟಿ 20 ಅಂತಾರಾಷ್ಟ್ರೀಯದ ನಂಬರ್ ಒನ್ ಶ್ರೇಯಾಂಕವನ್ನು ಆಸ್ಟ್ರೇಲಿಯಾದ ಆರಾನ್ ಫಿಂಚ್ ಅವರಿಗೆ 9 ಪಾಯಿಂಟ್ಗಳಿಂದ ಕಳೆದುಕೊಂಡಿದ್ದಾರೆ. ದಕ್ಷಿಣ ಆಫ್ರಿಕಾ ವಿರುದ್ಧ ಭಾರತದ ಕಳಪೆ ಸರಣಿ ಬಳಿಕ ಈ ಬೆಳವಣಿಗೆ ಉಂಟಾಗಿದೆ. ಇತ್ತೀಚಿನ ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ಆಟಗಾರರ ಶ್ರೇಯಾಂಕದಲ್ಲಿ ಭಾರತದ ಟೆಸ್ಟ್ ನಾಯಕ ಕೊಹ್ಲಿ ಫಿಂಚ್ ಅವರಿಗಿಂತ 9 ಪಾಯಿಂಟ್ ಹಿಂದಿದ್ದಾರೆ. 9 ತಿಂಗಳು ಯಾವುದೇ ಪಂದ್ಯ ಆಡಿರದಿದ್ದರೂ ಫಿಂಚ್ ಅವರು 854 ರೇಟಿಂಗ್ ಪಾಯಿಂಟ್ ಹೊಂದಿದ್ದಾರೆ.
ಟೆಸ್ಟ್ ಶ್ರೇಯಾಂಕದಲ್ಲಿ ಆಸೀಸ್ ಬ್ಯಾಟ್ಸ್ಮನ್ ಸ್ಟೀವ್ ಸ್ಮಿತ್ ಅಗ್ರ ಸ್ಥಾನ ಅಲಂಕರಿಸಿದ್ದು, ಡಿ ವಿಲಿಯರ್ಸ್ ಮತ್ತು ಇಂಗ್ಲಿಷ್ ಬ್ಯಾಟ್ಸ್ಮನ್ ಜೋಯ್ ರೂಟ್ ಅವರಿಗಿಂತ ಮುಂದಿದ್ದಾರೆ. ಈ ಮಾದರಿಯ ಕ್ರಿಕೆಟ್ನಲ್ಲಿ ಕೂಡ ಕೊಹ್ಲಿ 11ನೇ ಸ್ಥಾನದಲ್ಲಿದ್ದಾರೆ.ಪೂಜಾರಾ, ಮುರಳಿ ವಿಜಯ್ ಮತ್ತು ರಹಾನೆ ಕ್ರಮವಾಗಿ 20, 21 ಮತ್ತು 22ನೇ ಸ್ಥಾನಗಳಲ್ಲಿದ್ದಾರೆ.