ಇದಕ್ಕೆ ಮುಂಚೆ ಶರೀಫ್ ತಟಸ್ಥ ಮೈದಾನದಲ್ಲಿ ಭಾರತದ ವಿರುದ್ಧ ಪಾಕ್ ಆಡುವುದಕ್ಕೆ ಪಿಸಿಬಿಗೆ ಒಪ್ಪಿಗೆ ಸೂಚಿಸಿದ್ದರು. ಬಿಸಿಸಿಐ ಕಾರ್ಯದರ್ಶಿ ಅನುರಾಗ್ ಠಾಕುರ್ ಭಾರತೀಯ ಕ್ರಿಕೆಟ್ ಮಂಡಳಿಯು ವಿದೇಶಾಂಗ ವ್ಯವಹಾರ ಸಚಿವಾಲಯಕ್ಕೆ ಔಪಚಾರಿಕ ಮನವಿ ಮಾಡಿ ಪಾಕಿಸ್ತಾನದಲ್ಲಿ ಆಡಲು ಅನುಮತಿ ನೀಡುವಂತೆ ಕೋರಿದ್ದಾಗಿ ತಿಳಿಸಿದರು. ಎಫ್ಟಿಪಿಗೆ ನೀಡಿದ ಬದ್ಧತೆಯಂತೆ ಬಿಸಿಸಿಐ ಯುಎಇನಲ್ಲಿ ಅಥವಾ ಯಾವುದೇ ತಟಸ್ಥ ಮೈದಾನದಲ್ಲಿ ಪಾಕಿಸ್ತಾನದ ವಿರುದ್ಧ ಆಡಲು ಬದ್ಧವಾಗಿದೆ ಎಂದು ಠಾಕುರ್ ಪ್ರತಿಪಾದಿಸಿದ್ದರು.