ಮಹಿಳಾ ಏಕದಿನ ವಿಶ್ವಕಪ್: ಮಿಂಚಿದ ಕನ್ನಡತಿ ರಾಜೇಶ್ವರಿ ಗಾಯಕ್ ವಾಡ್, ಭಾರತಕ್ಕೆ ಜಯ
ಮೊದಲು ಬ್ಯಾಟಿಂಗ್ ಮಾಡಿದ ಭಾರತ 50 ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 244 ರನ್ ಗಳಿಸಿತ್ತು. ಇದಕ್ಕೆ ಉತ್ತರವಾಗಿ ಬ್ಯಾಟಿಂಗ್ ಮಾಡಿದ ಪಾಕ್ 43 ಓವರ್ ಗಳಲ್ಲಿ 137 ರನ್ ಗಳಿಗೆ ಆಲೌಟ್ ಆಯಿತು. ಪಾಕ್ ಪರ ಸಿದಾ ಅಮಿನ್ 30, ಡಿಯಾನಾ ಬೇಗ್ 24 ರನ್ ಗಳಿಸಿದ್ದು ಬಿಟ್ಟರೆ ಉಳಿದವರಿಂದ ಹೇಳಿಕೊಳ್ಳುವ ಕೊಡುಗೆ ಬರಲಿಲ್ಲ. ಭಾರತದ ಪರ ಮಿಂಚಿದ ಕನ್ನಡತಿ ರಾಜೇಶ್ವರಿ ಗಾಯಕ್ ವಾಡ್ 4 ವಿಕೆಟ್ ಕಬಳಿಸಿದರೆ, ಜೂಲಾನ್ ಗೋಸ್ವಾಮಿ, ಸ್ನೇಹಾ ರಾಣಾ ತಲಾ 2, ಮೇಘ್ನಾ ಸಿಂಗ್, ದೀಪ್ತಿ ಶರ್ಮಾ ತಲಾ 1 ವಿಕೆಟ್ ಕಬಳಿಸಿದರು.
