ಐಪಿಎಲ್ 2024: ಖ್ಯಾತ ವೇಗಿಯನ್ನು ತಂಡಕ್ಕೆ ಬರಮಾಡಿಕೊಳ್ಳಲಿದೆ ಆರ್ ಸಿಬಿ
ಇಂಗ್ಲೆಂಡ್ ಮೂಲದ ವೇಗಿ ಟಾಮ್ ಕರನ್ ಗಾಯಗೊಂಡು ಐಪಿಎಲ್ ನಿಂದ ಹೊರಗುಳಿಯಲಿದ್ದಾರೆ. ಹೀಗಾಗಿ ಅವರ ಸ್ಥಾನ ತುಂಬಲು ತಂಡಕ್ಕೆ ಈಗ ಪ್ರಮುಖ ವೇಗಿಯ ಅವಶ್ಯಕತೆಯಿದೆ. ಇದಕ್ಕಾಗಿ ಆರ್ ಸಿಬಿ ಇಂಗ್ಲೆಂಡ್ ನ ಮತ್ತೊಬ್ಬ ಖ್ಯಾತ ವೇಗಿ ಜೋಫ್ರಾ ಆರ್ಚರ್ ರನ್ನು ಕರೆತರಲು ಪ್ರಯತ್ನ ನಡೆಸಿದೆ.
ಸದ್ಯದಲ್ಲೇ ಜೋಫ್ರಾ ಆರ್ಚರ್ ಜೊತೆ ಆರ್ ಸಿಬಿ ಒಪ್ಪಂದಕ್ಕೆ ಸಹಿ ಹಾಕಿಸಿಕೊಳ್ಳಲಿದೆ ಎನ್ನಲಾಗಿದೆ. ತಂಡಕ್ಕೆ ಈಗ ವೇಗದ ಬೌಲಿಂಗ್ ನಲ್ಲಿ ಮೊಹಮ್ಮದ್ ಸಿರಾಜ್ ಗೆ ಸಾಥ್ ನೀಡಲು ಪ್ರಮುಖ ವೇಗಿಯ ಅಗತ್ಯವಿದೆ. ಹೀಗಾಗಿ ಜೋಫ್ರಾರನ್ನು ಕರೆತರಲು ಪ್ರಯತ್ನ ನಡೆದಿದೆ.
ಈಗಾಗಲೇ ಬಹುತೇಕ ಐಪಿಎಲ್ ತಂಡಗಳು ಗಾಯದ ಸಮಸ್ಯೆಯಿಂದಾಗಿ ಒಬ್ಬರಾದ ಮೇಲೊಬ್ಬರಂತೆ ಆಟಗಾರರನ್ನು ಕಳೆದುಕೊಳ್ಳುತ್ತಿದ್ದಾರೆ. ಈಗ ಆರ್ ಸಿಬಿಗೂ ಅದೇ ಸಮಸ್ಯೆ ಎದುರಾಗಿದೆ. ಈ ಬಾರಿ ಆರ್ ಸಿಬಿ ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಪಂದ್ಯವಾಡಲಿದೆ. ಈ ಪಂದ್ಯ ಚೆನ್ನೈನಲ್ಲಿ ಮಾರ್ಚ್ 22 ರಂದು ನಡೆಯಲಿದೆ.
