KL Rahul viral video: ಕೆಎಲ್ ರಾಹುಲ್, ಸಂಜೀವ್ ಗೊಯೆಂಕಾ ಭೇಟಿ: ಅವಮಾನ ಮಾಡಿದ್ಮೇಲೆ ಯಾವ ಮುಖ ಇಟ್ಕೊಂಡು ಬಂದ್ರಿ
ಹಳೆಯ ತಂಡ ಲಕ್ನೋ ವಿರುದ್ಧ ನಿನ್ನೆ ಪಂದ್ಯ ಗೆಲ್ಲಿಸಿದ ಬಳಿಕ ರಾಹುಲ್ ಮೈದಾನದಿಂದ ತೆರಳುವಾಗ ಎದುರಾಳಿ ತಂಡದವರಿಗೆ ಕೈ ಕುಲುಕುತ್ತಿದ್ದರು. ಈ ವೇಳೆ ತಮ್ಮ ಎದುರು ಬಂದ ಸಂಜೀವ್ ಗೊಯೆಂಕಾಗೆ ಕಾಟಾಚಾರಕ್ಕೆ ಕೈ ಕುಲುಕಿ ಅವರ ಪಕ್ಕದಲ್ಲಿದ್ದ ಲಕ್ನೋ ಸಿಬ್ಬಂದಿ ಬಳಿ ಮಾತನಾಡಿದರು. ಇತ್ತ ಸಂಜೀವ್ ಏನೋ ಹೇಳಲು ಯತ್ನಿಸಿದರೂ ರಾಹುಲ್ ಕಡೆಗಣಿಸಿ ಮುನ್ನಡೆದರು.
ಇದಕ್ಕೆ ನೆಟ್ಟಿಗರು ನಾನಾ ರೀತಿಯಲ್ಲಿ ಕಾಮೆಂಟ್ ಮಾಡಿದ್ದಾರೆ. ಹಿಂದೆ ಮಾಡಿದ ಅವಮಾನವನ್ನು ರಾಹುಲ್ ಮರೆತಿಲ್ಲ ಎಂದು ಕೆಲವರು ಹೇಳಿದರೆ, ಅಹಂಕಾರಕ್ಕೆ ತಕ್ಕ ಶಾಸ್ತಿ ಮಾಡಿದ್ದಾರೆ ಎಂದಿದ್ದಾರೆ. ಅವಮಾನ ಮಾಡಿದ ಮೇಲೆ ಯಾವ ಮುಖ ಇಟ್ಕೊಂಡು ಕೈಕುಲುಕಲು ಬಂದೆ ಎಂಬಂತಿತ್ತು ಈ ದೃಶ್ಯ.
