ಬೌಲರುಗಳ ಉತ್ತಮ ಪ್ರದರ್ಶನಕ್ಕೆ ಫೀಲ್ಡರುಗಳು ಕೂಡ ಪೂರಕ ಪ್ರದರ್ಶನ ನೀಡಿದರು. ಉತ್ತಮ ಫೀಲ್ಡಿಂಗ್ ಕೂಡ ಬೌಲರುಗಳಿಗೆ ನೆರವಾಯಿತು ಎಂದು ಧೋನಿ ಹೇಳಿದರು. ಸ್ರಾನ್ ಅವರು 10ಕ್ಕೆ 4 ವಿಕೆಟ್ ಕಬಳಿಸಿ ಪಂದ್ಯ ಪುರುಷ ಪ್ರಶಸ್ತಿಗೆ ಪಾತ್ರರಾಗಿದ್ದರು.
ಚೆಂಡು ಸ್ವಿಂಗ್ ಆಗುತ್ತಿತ್ತು. ನಾನು ಪೇಸ್ ಕಡೆ ಹೆಚ್ಚು ಗಮನ ಕೊಡದೇ ಸ್ವಿಂಗ್ ಕಡೆ ಗಮನಹರಿಸಿದೆ. ಏಕೆಂದರೆ ಪಿಚ್ ಆ ರೀತಿಯ ಬೌಲಿಂಗ್‌ಗೆ ಸೂಕ್ತವಾಗಿತ್ತು ಎಂದು ಹೇಳಿದರು.
ಕೇವಲ 99 ರನ್ ಗಳಿಸಿದ್ದು ಪಂದ್ಯದಿಂದ ನಮ್ಮನ್ನು ಸಂಪೂರ್ಣವಾಗಿ ಹೊರಗುಳಿಸಿತು ಎಂದು ಜಿಂಬಾಬ್ವೆ ನಾಯಕ ಗ್ರೇಮ್ ಕೇಮರ್ ಹೇಳಿದರು. ನಾವು ನಿಧಾನವಾಗಿ ಆಟ ಆರಂಭಿಸಿ ನಿರ್ಣಾಯಕ ಹಂತದಲ್ಲಿ ವಿಕೆಟ್ ಕಳೆದುಕೊಂಡೆವು. ಸರಣಿಯಲ್ಲಿ ಉತ್ತಮ ಆರಂಭದ ಬಳಿಕ ಇದು ನಿರಾಶಾದಾಯಕ ಎಂದರು. ಆದರೆ ಬುಧವಾರದ ಫೈನಲ್‌‍ಗೆ ನಾವು ಪುಳುಕಿತರಾಗಿದ್ದು, ನಾವು ಸರಣಿ ಗೆಲ್ಲುತ್ತೇವೆಂಬ ವಿಶ್ವಾಸವಿದೆ ಎಂದು ಕೇಮರ್ ಹೇಳಿದರು.
