ನಾಲ್ಕು ಟೆಸ್ಟ್ ಸರಣಿಯಲ್ಲಿ ವಿರಾಕ್ ಕೊಹ್ಲಿ ಬಳಗ ವೆಸ್ಟ್ ಇಂಡೀಸ್ ತಂಡವನ್ನು 2-0ಯಿಂದ ಸೋಲಿಸಿದ್ದರೂ, ಕ್ಯಾರಿಬಿಯನ್ ತಂಡ ವಿಶ್ವ ದರ್ಜೆಯ ಹಿಟ್ಟರ್‌ಗಳು ಮತ್ತು ಆಲ್‌ರೌಂಡರ್‌ಗಳ ನೆರವಿನಿಂದ ಟಿ 20 ಮಾದರಿಯಲ್ಲಿ ಶಕ್ತಿಕೇಂದ್ರವಾಗಿದೆ ಎಂದು ಧೋನಿ ನಂಬಿದ್ದಾರೆ.
ಕಿರು ಮಾದರಿಯ ಆಟದಲ್ಲಿ ವೆಸ್ಟ್ ಇಂಡೀಸ್ ಅಸಮಾನ್ಯವಾಗಿದೆ. ಸಾಕಷ್ಟು ಪವರ್ ಹಿಟ್ಟರ್‌ಗಳು ಮತ್ತು ಆಲ್‌ರೌಂಡರ್‌ಗಳಿಂದ ಅದು ಸಮತೋಲಿತ ತಂಡವಾಗಿದೆ. ಅವರು ಪ್ರಸಕ್ತ ವಿಶ್ವ ಟಿ 20 ಚಾಂಪಿಯನ್ನರಾದ್ದರಿಂದ ಇದೊಂದು ಕುತೂಹಲಕಾರಿ ಸರಣಿಯಾಗಲಿದೆ ಎಂದು ಧೋನಿ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು. ಫ್ಲೋರಿಡಾದ ಸೆಂಟ್ರಲ್ ಬ್ರೊವಾರ್ಡ್ ರೀಜನಲ್ ಪಾರ್ಕ್ ಸ್ಟೇಡಿಯಂನಲ್ಲಿ ಆರಂಭಿಕ ಪಂದ್ಯದ ಅಂಗವಾಗಿ ಧೋನಿ ಮಾತನಾಡುತ್ತಿದ್ದರು.
