ಸಚಿನ್ ಉದಾಹರಣೆ ಬಳಸಿಕೊಂಡ ಮಾರ್ಗನ್‌‌ ಅಣಕಕ್ಕೆ ಪಾಕ್ ಪತ್ರಕರ್ತ ತಿರುಗೇಟು

ಭಾರತದ ರಿಯೊ ಒಲಿಂಪಿಕ್ಸ್ ಸಾಧನೆ ಕುರಿತು ಕಾಮೆಂಟ್ ಮಾಡಿದ ಬಳಿಕ ಬ್ರಿಟಿಷ್ ಪತ್ರಕರ್ತ ಪಿಯರ್ಸ್ ಮಾರ್ಗನ್ ಸುದ್ದಿಯಲ್ಲಿದ್ದಾರೆ. ಕೇವಲ ಎರಡು ಪದಕಗಳನ್ನು ಗೆದ್ದಿದ್ದರೂ ಭಾರತದಲ್ಲಿ ವ್ಯಾಪಕ ಸಂಭ್ರಮಾಚರಣೆ ವೀಕ್ಷಿಸುವುದು ಮುಜುಗರ ಉಂಟುಮಾಡುತ್ತದೆಂದು ಹೇಳಿದ್ದರು.

ಕ್ರಿಕೆಟ್ ಅಭಿಯಾನಿಯಾಗಿರುವ ಪಿಯರ್ಸ್ ತಮ್ಮ ವಾದವನ್ನು ಸಮರ್ಥಿಸಿಕೊಳ್ಳಲು ಸಚಿನ್ ತೆಂಡೂಲ್ಕರ್ ಉದಾಹರಣೆ ನೀಡಿದರು. ಸಚಿನ್ ಅವರಷ್ಟು ಅದ್ಭುತವಾದ ಬ್ಯಾಟ್ಸ್‌ಮನ್ ತಯಾರಿಸಲು ಭಾರತಕ್ಕೆ ಸಾಧ್ಯವಾದರೆ, ಅದು ಚಿನ್ನದ ಪದಕ ವಿಜೇತ ಒಲಿಂಪಿಯನ್ನರನ್ನು ತಯಾರಿಸಬಹುದು. ಅದಕ್ಕೆ ಬಂಡವಾಳ ಮತ್ತು ಗಮನ ಅಗತ್ಯವಾಗಿದೆ ಎಂದು ಟ್ವೀಟ್‌ನಲ್ಲಿ ತಿಳಿಸಿದ್ದರು.

ಸ್ವಾಭಾವಿಕವಾಗಿ ಅವರ ಪ್ರತಿಕ್ರಿಯೆ ಭಾರತದ ಟ್ವಿಟರಿಗರನ್ನು ಕೆರಳಿಸಿದೆ. ವೀರೇಂದ್ರ ಸೆಹ್ವಾಗ್, ಚೇತನ್ ಭಗತ್ ಸೇರಿದಂತೆ ಬಹುತೇಕ ಎಲ್ಲರೂ ಪಿಯರ್ಸ್ ವಿರುದ್ಧ ಟ್ವಿಟರ್‌ ಮೂಲಕ ವಾಗ್ದಾಳಿ ಮಾಡಿದ್ದರು. 

ಅಚ್ಚರಿಯೆಂದರೆ, ಭಾರತದ ಪರ ವಾದಿಸಿದವರಲ್ಲಿ ಪಾಕಿಸ್ತಾನಿ ಪತ್ರಕರ್ತ ಮತ್ತು ಸಂಖ್ಯಾಶಾಸ್ತ್ರಜ್ಞ ಮಜೆರ್ ಅರ್ಷದ್ ಸೇರಿದ್ದಾರೆ. 

 ಚಿನ್ನದ ಪದಕ ಗೆದ್ದ ರಾಷ್ಟ್ರಗಳು ಉದಾಹರಣೆಗೆ ಅಮೆರಿಕ ಮತ್ತು ಚೀನಾ ಸಚಿನ್ ಅವರಂಥ ಮನೋಜ್ಞ ಬ್ಯಾಟ್ಸ್‌ಮನ್ ತಯಾರಿಸುವುದಕ್ಕೆ ಸಾಧ್ಯವಿಲ್ಲವೇ ಎಂದು ತಮಗೆ ಆಶ್ಚರ್ಯವಾಗಿರುವುದಾಗಿ ಹೇಳಿದರು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ