ಆದರೆ ಪೂಜಾರಾ ಮತ್ತು ಅಮಿತ್ ಮಿಶ್ರಾ ಅವರ 104 ರನ್ ಜತೆಯಾಟದ ನೆರವಿನಿಂದ ಭಾರತ 8 ವಿಕೆಟ್ ಕಳೆದುಕೊಂಡು 288 ರನ್ ದಾಖಲಿಸಿದ್ದು, 300 ರ ಗಡಿ ಸುಲಭವಾಗಿ ದಾಟಬಹುದೆಂದು ನಿರೀಕ್ಷಿಸಲಾಗಿದೆ. ಚೇತೇಶ್ವರ ಪೂಜಾರಾ ಅವರು 129 ರನ್‌ಗಳೊಂದಿಗೆ ಅಜೇಯರಾಗಿ ಉಳಿದಿದ್ದು, ಅವರ ಸ್ಕೋರಿನಲ್ಲಿ 13 ಬೌಂಡರಿಗಳಿದ್ದವು.
ಪೂಜಾರಾಗೆ ಉತ್ತಮ ಜತೆಯಾಟ ನೀಡಿದ್ದ ಅಮಿತ್ ಮಿಶ್ರಾ 7 ಬೌಂಡರಿಗಳೊಂದಿಗೆ 59 ರನ್ ಬಾರಿಸಿ ಹೆರಾತ್ ಬೌಲಿಂಗ್‌ನಲ್ಲಿ ಪೆರೇರಾಗೆ ಕ್ಯಾಚಿತ್ತು ಔಟಾದರು. ಪೂಜಾರಾ ಅವರನ್ನು ಗಾಯಗೊಂಡಿದ್ದ ಶಿಖರ್ ಧವನ್ ಬದಲಿಗೆ ಆಡಿಸಲಾಗಿದ್ದು, ಅವರ ಮೇಲೆ ಇಟ್ಟಿದ್ದ ಭರವಸೆ ಹುಸಿಗೊಳಿಸದೇ ಟೀಂ ಇಂಡಿಯಾಗೆ ಕಡೆಯವರೆಗೆ ಆಸರೆಯಾಗಿ ನಿಂತಿದ್ದಾರೆ.
