ಶಶಾಂಕ್ ಮನೋಹರ್ ಅಧ್ಯಕ್ಷರಾದ ಬೆನ್ನಲ್ಲೇ ಹಲವಾರು ಸುಧಾರಣಾ ಕ್ರಮಗಳನ್ನು ಬಿಸಿಸಿಐ ಘೋಷಿಸಿದ್ದು, ಮಹಿಳಾ ಕ್ರಿಕೆಟಿಗರನ್ನು ಕೇಂದ್ರ ಗುತ್ತಿಗೆ ಪದ್ಧತಿಗೆ ಒಳಪಡಿಸುವುದನ್ನು ಪ್ರಕಟಿಸಿದ್ದಾರೆ. ಪುರುಷ ಆಟಗಾರರಿಗೆ ಕೇಂದ್ರ ಗುತ್ತಿಗೆ ಪದ್ಧತಿ ಅಳವಡಿಸಿದ 11 ವರ್ಷಗಳ ಬಳಿಕ ಮಹಿಳೆಯರಿಗೂ ಈ ಸೌಲಭ್ಯ ನೀಡಲಾಗಿದೆ.
ಈ ಕ್ರಮದಿಂದ ಹೆಚ್ಚೆಚ್ಚು ಯುವತಿಯರು ಕ್ರಿಕೆಟ್ ಕ್ರೀಡೆಗೆ ಆಗಮಿಸುವುದಕ್ಕೆ ಪ್ರೋತ್ಸಾಹಿಸುತ್ತದೆ ಎಂದು ಮನೋಹರ್ ಹೇಳಿದರು. ಇದೊಂದು ಸ್ವಾಗತಾರ್ಹ ಕ್ರಮವಾಗಿದ್ದು, ಮಹಿಳಾ ಕ್ರಿಕೆಟ್ ಸುಧಾರಣೆಗೆ ಇನ್ನಷ್ಟು ಕೆಲಸಗಳನ್ನು ಮಾಡಬೇಕಾಗಿದೆ. ಪುರುಷ ಕ್ರಿಕೆಟ್ ಆಟಗಾರರ ರೀತಿ ಮಹಿಳಾ ಕ್ರಿಕೆಟರ್ಗಳಿಗೆ ಕೂಡ ಉದ್ಯೋಗ ಭದ್ರತೆಯ ಭಾವನೆ ಅಗತ್ಯವಾಗಿದೆ.