ಬೆರಳುದ್ದದ ಗಾಯಕ್ಕೆ ಇಡೀ ಆಸ್ಪತ್ರೆಯನ್ನೇ ಗುಡ್ಡೆ ಹಾಕಿದ ಶಿಖರ್ ಧವನ್!

ಮುಂಬೈ: ಮಹಾರಾಷ್ಟ್ರದ ವಿರುದ್ಧ ಸೈಯದ್ ಮುಷ್ತಾಕ್ ಅಲಿ ಟೂರ್ನಿ ಆಡುವ ವೇಳೆ ಡೆಲ್ಲಿ ಪರ ಆಡುತ್ತಿದ್ದ ಟೀಂ ಇಂಡಿಯಾ ಆರಂಭಿಕ ಶಿಖರ್ ಧವನ್ ಬಿದ್ದು ಮಂಡಿಗೆ ಗಾಯ ಮಾಡಿಕೊಂಡಿದ್ದಾರೆ.

ಇದು ಗಂಭೀರ ಗಾಯವಲ್ಲ. ಹಾಗಿದ್ದರೂ ತಕ್ಷಣವೇ ಧವನ್ ‍ರನ್ನು ಸ್ಥಳೀಯ ಆಸ್ಪತ್ರೆಗೆ ಸೇರಿಸಲಾಗಿತ್ತು. ಈ ಗಾಯದ ಬಗ್ಗೆ ಹಲವು ಫೋಟೋಗಳನ್ನು ಧವನ್ ತಮ್ಮ ಟ್ವಿಟರ್ ಪೇಜ್ ನಲ್ಲಿ ಪ್ರಕಟಿಸಿದ್ದರು. ಇದರಲ್ಲಿ ಒಂದು ಫೋಟೋದಲ್ಲಿ ಇಡೀ ಆಸ್ಪತ್ರೆಯ ಸಿಬ್ಬಂದಿಯೇ ಧವನ್ ಮಂಚದ ಸುತ್ತಲೂ ಇದ್ದರೆ, ಅವರು ಮಂಚದ ಮೇಲೆ ಮಲಗಿ ನಗುತ್ತಾ ಪೋಸ್ ಕೊಟ್ಟಿದ್ದಾರೆ.

ಈ ಫೋಟೋ ನೋಡಿ ಸಹ ಕ್ರಿಕೆಟಿಗ ಹಾರ್ದಿಕ್ ಪಾಂಡ್ಯ ಧವನ್ ಕಾಲೆಳೆದಿದ್ದಾರೆ. ‘ಚಿಕ್ಕ ಗಾಯಕ್ಕೆ ಇಡೀ ಆಸ್ಪತ್ರೆಯನ್ನೇ ಗುಡ್ಡೆ ಹಾಕಿದ ಹಾಗಿದೆ’ ಎಂದು ಪಾಂಡ್ಯ ತಮಾಷೆಯಾಗಿ ಕಾಮೆಂಟ್ ಮಾಡಿದ್ದಾರೆ.