ಸೀಮಿತ ಓವರುಗಳಲ್ಲಿ ಸಾಕಷ್ಟು ರನ್ ಸ್ಕೋರ್ ಮಾಡುವುದಿಲ್ಲವೆಂದು ರಹಾನೆಯನ್ನು ಟೀಕಿಸಿದ್ದ ಧೋನಿ, ಮುಂಬೈ ಆಟಗಾರ ಮೇಲಿನ ಕ್ರಮಾಂಕದಲ್ಲಿ ಮಾತ್ರ ಆಡಬೇಕು. ಆದರೆ ಐದು ಅಥವಾ 6ನೇ ಕ್ರಮಾಂಕದಲ್ಲಿ ಆಡಿಸಲಾಗುವುದಿಲ್ಲ. ರೋಹಿತ್, ಧವನ್ ಮತ್ತು ಕೊಹ್ಲಿ ಅಗ್ರ ಮೂರು ಕ್ರಮಾಂಕಗಳಲ್ಲಿದ್ದು, ರಹಾನೆಯನ್ನು ಆಡಿಸುವುದು ಕಷ್ಟ ಎಂದು ಇಂಗಿತ ವ್ಯಕ್ತಪಡಿಸಿದರು.
ರಹಾನೆ ನಾಲ್ಕನೇ ಕ್ರಮಾಂಕದಲ್ಲಿ ಆಡಬಹುದು. ಆದರೆ ನಾಯಕ ಧೋನಿ ಸ್ವತಃ ನಾಲ್ಕನೇ ಕ್ರಮಾಂಕದಲ್ಲಿ ಆಡುವ ಮೂಲಕ ಫಿನಿಷರ್ ಪಾತ್ರವನ್ನು ಬೇರೆಯವರಿಗೆ ವಹಿಸಲು ನೋಡುತ್ತಿದ್ದಾರೆ. ರಹಾನೆಯನ್ನು ಈಗ ಆಡಿಸುವುದು ಕಷ್ಟವಾಗಿದೆ. ನಾನು ಐದನೇ ಅಥವಾ ಆರನೇ ಕ್ರಮಾಂಕದ ಆಟಗಾರನತ್ತ ನೋಡುವುದಾದರೆ ರಹಾನೆ ಅದಕ್ಕೆ ಸೂಕ್ತ ಆಟಗಾರರಲ್ಲ. ಅವರ ಬಲವು ಮೇಲಿನ ಕ್ರಮಾಂಕದ ಆಟ. ಅವಕಾಶ ನೀಡಿದರೆ ನಾವು ಅವರನ್ನು ಅಗ್ರ ಮೂರರ ಕ್ರಮಾಂಕದಲ್ಲಿ ಆಡಿಸಲು ಯತ್ನಿಸುತ್ತೇವೆ. ಇಲ್ಲದಿದ್ದರೆ 11 ಮಂದಿಯ ತಂಡದಲ್ಲಿ ಅವರಿಗೆ ಸ್ಥಾನ ನೀಡುವುದು ಕಷ್ಟವಾಗುತ್ತದೆ ಎಂದು ಧೋನಿ ಪ್ರತಿಕ್ರಿಯಿಸಿದ್ದಾರೆ.
