ವಿಶ್ವಕಪ್ ಸೋಲಿನ ಬೆನ್ನಲ್ಲೇ ಮ್ಯಾನೇಜರ್ ಗೂ ಕೊಕ್ ಕೊಟ್ಟ ವಿರಾಟ್ ಕೊಹ್ಲಿ
ಬಹಳ ವರ್ಷಗಳಿಂದ ತಮ್ಮ ವ್ಯವಹಾರಗಳನ್ನು ನೋಡಿಕೊಳ್ಳುತ್ತಿದ್ದ ಬಂಟಿ ಸಜ್ ದೇ ಜೊತೆಗಿನ ಒಪ್ಪಂದವನ್ನು ಕೊಹ್ಲಿ ಕೊನೆಗೊಳಿಸುತ್ತಿದ್ದಾರೆ. ಕೊಹ್ಲಿಯ ಬ್ರಾಂಡ್, ಮಾರುಕಟ್ಟೆ ವ್ಯವಹಾರಗಳನ್ನೆಲ್ಲಾ ಬಂಟಿ ಸಜ್ ದೇ ಅವರೇ ನೋಡಿಕೊಳ್ಳುತ್ತಿದ್ದರು. ರೋಹಿತ್ ಶರ್ಮಾ ಪತ್ನಿ ರಿತಿಕಾ ಸಹೋದರ ಸಂಬಂಧಿಯೂ ಆಗಿರುವ ಬಂಟಿ ಜೊತೆಗೆ ಕೊಹ್ಲಿ ದಶಕದ ಒಡನಾಟವಿದೆ.
ಆದರೆ ಈಗ ಇಬ್ಬರೂ ಬೇರೆಯಾಗುತ್ತಿರುವುದಕ್ಕೆ ಸ್ಪಷ್ಟ ಕಾರಣ ಸಿಕ್ಕಿಲ್ಲ. ಆದರೆ ಮೂಲಗಳ ಪ್ರಕಾರ ಕೊಹ್ಲಿಯೇ ಮುಂದೆ ತಮ್ಮದೇ ಕಂಪನಿ ಶುರು ಮಾಡಲಿದ್ದಾರೆ. ಸದ್ಯದಲ್ಲೇ ಅದನ್ನು ರಿಜಿಸ್ಟರ್ ಕೂಡಾ ಮಾಡಿಕೊಳ್ಳಲಿದ್ದಾರೆ. ಆ ಕಾರಣಕ್ಕೆ ಬಂಟಿ ಜೊತೆಗಿನ ಬಾಂಧವ್ಯ ಕಡಿದುಕೊಂಡಿದ್ದಾರೆ ಎನ್ನಲಾಗುತ್ತಿದೆ.
