ಅನಿಲ್ ಕುಂಬ್ಳೆ ಕೋಚ್ ಆದ ಮೊದಲ ದಿನವೇ ವಿರೋಧಿಸಿದ್ದರಂತೆ ವಿರಾಟ್ ಕೊಹ್ಲಿ!

ಮುಂಬೈ: ವಿರಾಟ್ ಕೊಹ್ಲಿ ಮತ್ತು ಅನಿಲ್ ಕುಂಬ್ಳೆ ನಡುವಿನ ವೈಮನಸ್ಯದ ಬಗ್ಗೆ ದಿನಕ್ಕೊಂದು ವರದಿಗಳು ಬರುತ್ತಿವೆ. ಇದೀಗ ಬಂದ ವರದಿಯ ಪ್ರಕಾರ ಮೊದಲ ದಿನವೇ ಕುಂಬ್ಳೆ ಆಯ್ಕೆಯನ್ನು ಕೊಹ್ಲಿ ವಿರೋಧಿಸಿದ್ದರಂತೆ!

ಅಸಲಿಗೆ ಕೊಹ್ಲಿಗೆ ರವಿ ಶಾಸ್ತ್ರಿಯನ್ನು ಬದಲಿಸುವುದು ಇಷ್ಟವೇ ಇರಲಿಲ್ಲ. ಅನಿಲ್ ಕುಂಬ್ಳೆ ಕೋಚ್ ಆಗಿ ಆಯ್ಕೆಯಾದಾಗಲೇ ಅವರು ತಮ್ಮ ಅಸಮಾಧಾನ ವ್ಯಕ್ತಪಡಿಸಿದ್ದರಂತೆ. ಕೊನೆಗೆ ಅಂದಿನ ಬಿಸಿಸಿಐ ಅಧ್ಯಕ್ಷ ಅನುರಾಗ್ ಠಾಕೂರ್ ಕೊಹ್ಲಿಗೆ ಪರಿಸ್ಥಿತಿಯ ಅನಿವಾರ್ಯತೆ ವಿವರಿಸಿದ್ದರು ಎಂದು ಪದಚ್ಯುತ ಬಿಸಿಸಿಐ ಅಧಿಕಾರಿಯೊಬ್ಬರು ಹೇಳಿರುವುದಾಗಿ ಮಾಧ್ಯಮವೊಂದು ವರದಿ ಮಾಡಿದೆ.

ಇದು ಸೌರವ್ ಗಂಗೂಲಿ, ಸಚಿನ್ ತೆಂಡುಲ್ಕರ್ ಹಾಗೂ ವಿವಿಎಸ್ ಲಕ್ಷ್ಮಣ್ ಅವರನ್ನೊಳಗೊಂಡ ಕ್ರಿಕೆಟ್ ಸಮಿತಿಯ ನಿರ್ಧಾರವಾಗಿತ್ತು. ಅದನ್ನು ಒಪ್ಪಿಕೊಳ್ಳಲೇಬೇಕು ಎಂದು ಠಾಕೂರ್ ಕೊಹ್ಲಿಗೆ ಮನದಟ್ಟು ಮಾಡಿದರು ಎಂದು ಅಧಿಕಾರಿ ಸಂದರ್ಶನದಲ್ಲಿ ತಿಳಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ