ಬರ್ಮುಡಾದಲ್ಲಿ ಕ್ಲಬ್ ಕ್ರಿಕೆಟ್ ಪಂದ್ಯವು ಹಿಂಸಾಚಾರಕ್ಕೆ ತಿರುಗಿ ಇಬ್ಬರು ಆಟಗಾರರು ಪರಸ್ಪರ ಕೈಕೈ ಮಿಲಾಯಿಸಿದ್ದರಿಂದ ಉದ್ವಿಗ್ನ ವಾತಾವರಣ ನಿರ್ಮಾಣವಾದ ಘಟನೆ ನಡೆದಿದೆ. ಕ್ಲೀವ್ ಲ್ಯಾಂಡ್ ಕ್ರಿಕೆಟ್ ಕ್ಲಬ್ ಪ್ರತಿನಿಧಿಸುವ ಜಾಸನ್ ಆಂಡರ್ಸನ್ ವಿಲ್ಲೋಸ್ ಕಟ್ಸ್ ಕ್ರಿಕೆಟ್ ಕ್ಲಬ್ ಬ್ಯಾಟ್ಸ್‌ಮನ್ ಜಾರ್ಜ್ ಒ ಬ್ರಿಯಾನ್ ಅವರ ಜತೆ ಜಗಳಕ್ಕೆ ಇಳಿದಾಗ ಇಬ್ಬರೂ ಪರಸ್ಪರ ಕೈಕೈ ಮಿಲಾಯಿಸಿದರು.
ಬ್ಯಾಟ್ಸ್‌ಮನ್ ಆಂಡರ್ಸನ್ ತಲೆಗೆ ಬ್ಯಾಟ್ ಬೀಸಿದ್ದನ್ನು ಆಂಡರ್ಸನ್ ಸ್ವಲ್ಪದರಲ್ಲಿ ತಪ್ಪಿಸಿಕೊಂಡರು. ಬಳಿಕ ಪರಸ್ಪರ ಇಬ್ಬರೂ ನೆಲದಲ್ಲಿ ಹೊರಳಾಡುತ್ತಾ ಫೈಟ್ ಮಾಡತೊಡಗಿದರು. ಆಟಗಾರರು ಮತ್ತು ಅಂಪೈರ್ ಜಗಳಬಿಡಿಸಲು ಯತ್ನಿಸಿದರೂ ಆಂಡರ್ಸನ್ ಮೇಲೆಕ್ಕೆದ್ದು ಕೆಳಕ್ಕೆ ಬಿದ್ದಿದ್ದ ಓ ಬ್ರಿಯಾನ್‌ನನ್ನು ಕಾಲಿನಲ್ಲಿ ಒದೆಯುತ್ತಾನೆ. ಕೊನೆಗೆ ಇವರಿಬ್ಬರ ಜಗಳ ಬಿಡಿಸಲು ಪೊಲೀಸರೇ ಬರಬೇಕಾಯಿತು.
