ಸಚಿನ್ ತೆಂಡೂಲ್ಕರ್ ಎರಡನೇ ಬಾರಿಗೆ ಐಸಿಸಿ ವಿಶ್ವಕಪ್ ರಾಯಭಾರಿ

ವಿಶ್ವ ಕಪ್ ಇತಿಹಾಸದಲ್ಲಿ ಸಾರ್ವಕಾಲಿಕ ರನ್ ಸ್ಕೋರ್ ಮಾಡಿದ ಭಾರತದ ಕ್ರಿಕೆಟ್ ತಾರೆ ಸಚಿನ್ ತೆಂಡೂಲ್ಕರ್ ಅವರನ್ನು ಎರಡನೇ ಸತತ ಆವೃತ್ತಿಗೆ ವಿಶ್ವ ಕಪ್ ರಾಯಭಾರಿಯಾಗಿ ಹೆಸರಿಸಲಾಗಿದೆ.

ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ಸಚಿನ್ ಅವರನ್ನು ವಿಶ್ವಕಪ್ 2015ನೇ ಸಾಲಿನ ರಾಯಭಾರಿಯಾಗಿ ನೇಮಿಸಿದ್ದು, ಐಸಿಸಿಯ ಪ್ರಮುಖ ಪಂದ್ಯಾವಳಿಗೆ ಸತತವಾಗಿ ಎರಡನೇ ಬಾರಿಗೆ ರಾಯಭಾರಿಯಾಗಿದ್ದಾರೆ ಎಂದು ಐಸಿಸಿ ಹೇಳಿಕೆಯಲ್ಲಿ ತಿಳಿಸಿದೆ. 

 ರಾಯಭಾರಿಯಾಗಿ ತಮ್ಮ ಪಾತ್ರದಲ್ಲಿ, ತೆಂಡೂಲ್ಕರ್ ಅನೇಕ ಐಸಿಸಿ ಉಪಕ್ರಮಗಳಿಗೆ ಉತ್ತೇಜನ ಮತ್ತು ಬೆಂಬಲ ನೀಡಿ, ವಿಶ್ವಕಪ್ ಪಂದ್ಯಾವಳಿ ಗಮನವನ್ನು ಹೆಚ್ಚಿಸುತ್ತಾರೆ.

ಕಳೆದ ವರ್ಷ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳಿದ ತೆಂಡೂಲ್ಕರ್ 200 ಟೆಸ್ಟ್‌ಗಳು, 463 ಏಕದಿನ ಪಂದ್ಯಗಳು ಮತ್ತು ಒಂದು ಟ್ವೆಂಟಿ ಅಂತಾರಾಷ್ಟ್ರೀಯದಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದರು. 24 ವರ್ಷಗಳ ಅವಧಿಯ ಕ್ರಿಕೆಟ್ ಜೀವನದಲ್ಲಿ 34, 357 ರನ್‌ಗಳನ್ನು ಮತ್ತು 100 ಶತಕಗಳನ್ನು ಬಾರಿಸಿದ್ದಾರೆ.