ಭಾರತದ ಬಿರುಸಿನ ಆಟಗಾರ ವಿರಾಟ್ ಕೊಹ್ಲಿ ರಿಲಯನ್ಸ್ ಐಸಿಸಿ ಏಕದಿನ ಆಟಗಾರ ರ್ಯಾಂಕಿಂಗ್ನಲ್ಲಿ ಎರಡನೇ ಸ್ಥಾನಕ್ಕೆ ಏರಿದ್ದಾರೆ. ಶ್ರೀಲಂಕಾ ವಿರುದ್ಧ ಭಾರತ 5-0 ಸರಣಿ ಜಯದ ಮೂಲಕ ಕೊಹ್ಲಿ ಈ ಸಾಧನೆ ಮಾಡಿದ್ದಾರೆ. ರೋಹಿತ್ ಶರ್ಮಾ 15 ನೇ ಸ್ಥಾನಕ್ಕೆ ಏರಿದ್ದು, ಐಸಿಸಿ ವಿಶ್ವಕಪ್ಗೆ ಸಿದ್ಧತೆ ನಡೆಸಿದ್ದಾರೆ.
ಕೊಹ್ಲಿ ಕೊನೆಯ ಏಕದಿನ ಪಂದ್ಯದಲ್ಲಿ ಸರಣಿಯ ಅತ್ಯಧಿಕ ಸ್ಕೋರು 139 ರನ್ ಹೊಡೆದಿದ್ದು, ಉಳಿದ ಪಂದ್ಯಗಳಲ್ಲಿ 55, 53 ಮತ್ತು 49 ರನ್ ಹೊಡೆದಿದ್ದರು. ಶರ್ಮಾ ಕೊಲ್ಕತ್ತಾದಲ್ಲಿ ವಿಶ್ವ ದಾಖಲೆ ಮುರಿದ 264 ರನ್ ಬಾರಿಸಿದ ಬಳಿಕ ಪಾಯಿಂಟ್ ಪಟ್ಟಿಯಲ್ಲಿ 18 ಸ್ಥಾನಗಳನ್ನು ಜಿಗಿದಿದ್ದಾರೆ.