ಪಾಕಿಸ್ತಾನ ಕ್ರಿಕೆಟ್ ಹಿರಿಯ ಆಲ್ ರೌಂಡರ್ ಶೋಯಬ್ ಮಲಿಕ್ ತಾವು ಟೆನ್ನಿಸ್ ತಾರೆ ಸಾನಿಯಾ ಮಿರ್ಜಾ ಜೊತೆ ಸಂತೋಷದ ವೈವಾಹಿಕ ಜೀವನ ನಡೆಸುತ್ತಿದ್ದು, ದಂಪತಿ ನಡುವೆ ಯಾವುದೇ ಭಿನ್ನಾಭಿಪ್ರಾ.ಯವಿಲ್ಲ ಎಂದು ಹೇಳಿದ್ದಾರೆ. ಈಗಲೂ ಕೂಡ ಸಾನಿಯಾ ಮತ್ತು ನಾನು ದುಬೈನಲ್ಲಿದ್ದು, ಸಾಧ್ಯವಾದಷ್ಟು ಸಮಯ ಒಟ್ಟಿಗೆ ಕಳೆಯಲು ಬಯಸುತ್ತೇವೆ.
ಆದರೆ ವೃತ್ತಿಪರ ಆಟಗಾರರಾಗಿ ಇತರೆ ಬದ್ಧತೆಗಳನ್ನೂ ನಾವು ಪೂರೈಸಬೇಕಾಗಿದ್ದು, ಅದರ ಅರ್ಥ ನಮ್ಮ ವೈವಾಹಿಕ ಜೀವನ ಬಿರುಕು ಬಿಟ್ಟಿದೆ ಎಂದರ್ಥವಲ್ಲ. ಪಾಕಿಸ್ತಾನ ಮತ್ತು ಭಾರತದ ಮಾಧ್ಯಮಗಳಲ್ಲಿ ಅವರ ವೈವಾಹಿಕ ಜೀವನ ತೊಂದರೆಯಲ್ಲಿದೆ ಎಂದು ವರದಿಯಾಗಿತ್ತು. ನಟ ಹುಮೈಮಾ ಮಲಿಕ್ ಮತ್ತು ಅವರ ಕುಟುಂಬದ ಜೊತೆ ಮಲಿಕ್ ತಿರುಗಾಡುತ್ತಿದ್ದರೆಂದು ಮಾಧ್ಯಮಗಳು ಹೇಳಿದ್ದವು. ಹುಮೈಮಾ ನಮ್ಮ ಸ್ನೇಹಿತೆ ಮಾತ್ರ ಆಗಿದ್ದಾರೆ.