ನಿವೃತ್ತಿಯಾದ ಮೇಲೂ ಸಚಿನ್ ತೆಂಡುಲ್ಕರ್ ಮಾಡಿದ ಈ ದಾಖಲೆ ಏನು ಗೊತ್ತಾ?
ಮುಂಬೈ: ಕ್ರಿಕೆಟ್ ದಂತಕತೆ ಸಚಿನ್ ತೆಂಡುಲ್ಕರ್ ಎಂದರೆ ದಾಖಲೆಗಳ ಮಹಾಪೂರ. ಅವರು ಕ್ರಿಕೆಟ್ ಮೈದಾನದಲ್ಲಿ ಮಾಡಿದ್ದೆಲ್ಲಾ ದಾಖಲೆಗಳೇ. ಇಂತಿಪ್ಪ ಸಚಿನ್ ನಿವೃತ್ತಿಯಾಗಿ ಸಮಯವಾದದರೂ ಒಂದು ದಾಖಲೆ ಮಾಡಿದ್ದಾರೆ.
ನಿವೃತ್ತರಾದ ಮೇಲೆ ಅವರು ಬರೆದ ಆತ್ಮಕತೆ ಪ್ಲೇಯಿಂಗ್ ಇಟ್ ಮೈ ವೇ ಭಾರೀ ಜನಪ್ರಿಯವಾಗಿತ್ತು. ಈ ಪುಸ್ತಕದ ಬಗ್ಗೆ ಹಲವಾರು ಚರ್ಚೆಗಳು ನಡೆದವು. ಆ ಪುಸ್ತಕ ದಾಖಲೆ ಪ್ರಮಾಣದಲ್ಲಿ ಮಾರಾಟವಾಗಿ ಲಿಮ್ಕಾ ಬುಕ್ ಆಫ್ ರೆಕಾರ್ಡ್ ಗೆ ಸೇರ್ಪಡೆಯಾಯಿತು. ಅದೀಗ ವರ್ಷದ ಪುಸ್ತಕ ಎಂಬ ಗೌರವಕ್ಕೆ ಪಾತ್ರವಾಗಿದೆ.
ಆತ್ಮಕತೆಗಳ ವಿಭಾಗದಲ್ಲಿ ಸಚಿನ್ ಪುಸ್ತಕ ಕ್ರಾಸ್ ವರ್ಡ್ ಇಯರ್ ಆಫ್ ದಿ ಬುಕ್ ಪ್ರಶಸ್ತಿ ಪಡೆದಿದೆ. ಈ ಪುಸ್ತಕವನ್ನು ಕ್ರಿಕೆಟ್ ಇತಿಹಾಸಕಾರ ಬೊರಿಯಾ ಮಜುಂದಾರ್ ಬರೆದಿದ್ದರು. ಈ ಗೌರವಕ್ಕೆ ಪಾತ್ರವಾಗಲು ಕಾರಣರಾದ ಎಲ್ಲಾ ಅಭಿಮಾನಿಗಳಿಗೂ ಸಚಿನ್ ತೆಂಡುಲ್ಕರ್ ಕೃತಜ್ಞತೆ ಸಲ್ಲಿಸಿದ್ದಾರೆ.
