ಎಬಿಡಿ, ಸೈನಾ, ರಹಾನೆ, ಗಂಭೀರ್ ಒಂದೇ ಟ್ಯೂಷನ್‌ನಿಂದ ಬಂದವರೇ?: ಕಾಲೆಳೆದ ಸೆಹ್ವಾಗ್
ಚೇತೋಹಾರಿ ಟ್ವೀಟ್‌ಗಳ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ಸದಾ ಸದ್ದು ಮಾಡುವ ಸೆಹ್ವಾಗ್ ಸಂಡೇ ಜನ್ಮದಿನದ ಹಾರೈಕೆ ಟ್ವೀಟ್ ಮಾಡಿಲ್ಲವಾದರೂ ಯೂನಿವರ್ಸ್ ಬಾಸ್ ಕ್ರಿಸ್ ಗೇಲ್ ಮತ್ತು ಮಿಸ್ಟರ್ ಟೆಲೆಂಟ್ ರೋಹಿತ್ ಶರ್ಮಾ ಅವರ ಜತೆ ಕೂಲ್ ಪಿಕ್ಚರ್ ಹಾಕಿ ಗಮನ ಸೆಳೆದರು. ಅಷ್ಟೇ ಅಲ್ಲದೆ ಒಂದೇ ಟ್ವೀಟ್‌ನಲ್ಲಿ ನಾಲ್ವರು ದಿಗ್ಗಜರ ಕಾಲೆಳೆದು ಹಾಸ್ಯ ಚಟಾಕಿ ಹಾರಿಸಿದ್ದು ಮತ್ತೂ ವಿಶಿಷ್ಟವಾಗಿತ್ತು.
ಕಾರ್ಯಕ್ರಮದ ಬಳಿಕ ಸೆಲೆಬ್ರಿಟಿಗಳು ಕಾರ್ಯಕ್ರಮವನ್ನು ಆಯೋಜಿಸಿದ್ದ ಯುವಿಗೆ ಅಭಿನಂದನೆ ಸಲ್ಲಿಸಿದ್ದಾರೆ. ಅವರ ಟ್ವೀಟ್‌ಗಳನ್ನೆಲ್ಲಾ ಸೂಕ್ಷ್ಮವಾಗಿ ಗಮನಿಸಿರುವ ವೀರೂ ಹೆಚ್ಚಿನ ಹಾರೈಕೆಗಳಲ್ಲಿ ವ್ಯತ್ಯಾಶವಿಲ್ಲದ್ದನ್ನು ಕಂಡುಕೊಂಡಿದ್ದಾರೆ. ಬ್ಯಾಡ್ಮಿಂಟನ್ ತಾರೆ ಸೈನಾ, ಸ್ಪೋಟಕ ಕ್ರಿಕೆಟ್ ತಾರೆ ಎಬಿಡಿ, ಗೌತಮ್ ಗಂಭೀರ್ ಮತ್ತು ರಹಾನೆ ಅವರು ಮಾಡಿದ್ದ ಅಭಿನಂದನಾ ಟ್ವೀಟ್ ಒಂದೇ ರೀತಿ ಇದ್ದುದನ್ನು ಕಂಡುಕೊಂಡು, ಇವರೆಲ್ಲ ಒಂದೇ ಟ್ಯೂಷನ್‌ನಿಂದ ಬಂದವರೇ? ಎಂದು ಕಾಲೆಳೆದಿದ್ದಾರೆ.
