ಹೀರೋ ವರ್ಶಿಪ್ ಕುರಿತು ಕೇಳಲಾದ ಪ್ರಶ್ನೆಗೆ ಉತ್ತರಿಸುತ್ತಿದ್ದ ಸಚಿನ್ ಜನರು ನನ್ನನ್ನು ಇಷ್ಟಪಡುವುದು ನನ್ನ ಅದೃಷ್ಟ ಎಂದು ಪರಿಗಣಿಸುತ್ತೇನೆ. ಅಭಿಮಾನಿಗಳ ಪ್ರೀತಿ ನನ್ನ ಪಾಲಿಗೆ ವಿಶೇಷವಾದುದು. ನಾನು ಧನ್ಯತೆಯನ್ನು ಅನುಭವಿಸುತ್ತಿದ್ದೇನೆ. ದೇವರು ನನ್ನ ಮೇಲೆ ಅತಿಯಾದ ಕರುಣೆಯನ್ನು ತೋರಿದ್ದಾನೆ. ನಾನು ಏನನ್ನು ಕೂಡ ಲಘುವಾಗಿ ತೆಗೆದುಕೊಳ್ಳಲು ಬಯಸುವುದಿಲ್ಲ. ನನ್ನ ಕುರಿತು ಪ್ರೀತ್ಯಾದರ ತೋರಿದ ಎಲ್ಲರಿಗೂ ನಾನು ಕೃತಜ್ಞನಾಗಿದ್ದೇನೆ. ಆದರೆ ಅವರ ಪ್ರೀತಿಗೆ ಬೆಲೆ ಕಟ್ಟಲಾಗದು ಎಂದು ಹೇಳಿದ್ದಾರೆ.
ಬದುಕಿನ ಮತ್ತೊಂದು ಮಗ್ಗಲನ್ನು ನೋಡುತ್ತಿದ್ದೇನೆ. ಕಳೆದ 24 ವರ್ಷ ನಾನು ಕೇವಲ ಕ್ರಿಕೆಟ್ ಮೇಲಷ್ಟೇ ಗಮನ ಹರಿಸಿದ್ದೆ. ನನ್ನ ಬದುಕಿನ ಮೊದಲ ಇನ್ನಿಂಗ್ಸ್ ಕ್ರಿಕೆಟ್ ಆಟವಾಡಿದ್ದು ಮತ್ತು ನನ್ನ ಕನಸಿನ ಬೆನ್ನು ಹತ್ತಿದ್ದು. ಆ ಕನಸು ವಿಶ್ವ ಕಪ್ ಗೆಲ್ಲುವುದಾಗಿತ್ತು. ನನ್ನ ಬದುಕಿನ ಎರಡನೇ ಇನ್ನಿಂಗ್ಸ್ ವೃತ್ತಿಪರ ಕ್ರಿಕೆಟ್ ನಿಂದ ನಿವೃತ್ತಿಯಾದ ನಂತರದ ದಿನಗಳು. ಈ ಇನ್ನಿಂಗ್ಸ್ನಲ್ಲಿ ನಾನು ನನಗೆ ಒಳಿತಾಗಲಿ ಎಂದು ಹರಸಿದವರಿಗೆ ಕೃತಜ್ಞತಾಪೂರ್ಣವಾಗಿ ಏನಾದರೂ ಹಿಂತಿರುಗಿಸ ಬಯಸುತ್ತೇನೆ ಎಂದು ಹೇಳಿದರು.