ಇಂಗ್ಲೆಂಡ್ ಟೆಸ್ಟ್ ಮತ್ತು ಏಕ ದಿನ ಪಂದ್ಯಗಳ ಮಾಜಿ ಆಟಗಾರ ಮಾಂಟಿ ಪನೆಸಾರ್ ಆತಂಕ ಮತ್ತು ಬುದ್ಧಿಭ್ರಮಣೆ ನಿವಾರಣೆಗೆ ಚಿಕಿತ್ಸೆ ಪಡೆಯುತ್ತಿದ್ದು, ಆತ್ಮವಿಶ್ವಾಸ ಮತ್ತು ಆತ್ಮಾಭಿಮಾನದ ಕೊರತೆಯಿಂದ ಈ ಸಮಸ್ಯೆ ಉದ್ಭವಿಸಿದೆಯೆಂದು ತಿಳಿಸಿದ್ದಾರೆ. ಪನೆಸರ್ ಇಂಗ್ಲಿಷ್ ಕ್ರಿಕೆಟ್ ಆಟಗಾರರಾಗಿದ್ದು, ಪ್ರಸಕ್ತ ನಾರ್ತ್ಹ್ಯಾಂಪ್ಟನ್ಶೈರ್ ಪರ ಆಡುತ್ತಿದ್ದಾರೆ.
ಕ್ರೀಡಾಪಟುವಾಗಿ ನಾವು ಮಾನಸಿಕವಾಗಿ ಸದೃಢ ಎಂದು ಹೆಮ್ಮೆಪಡುತ್ತೇವೆ. ಆದರೆ ನಮ್ಮಲ್ಲಿ ದೌರ್ಬಲ್ಯ ಇದ್ದಾಗ ಅದನ್ನು ಮುಚ್ಚಿಡಲು ಯತ್ನಿಸುತ್ತೇವೆ. ನಾವು ಮಾನಸಿಕವಾಗಿ ದೃಢಕಾಯ ಎಂದು ತೋರಿಸಲು ಯತ್ನಿಸುತ್ತೇವೆ. ನೀವು ಬೇಗ ನಿಮ್ಮ ಸಮಸ್ಯೆಯನ್ನು ಬಿಚ್ಚಿಟ್ಟಾಗ ಬೇಗನೇ ನಿಮಗೆ ಬೆಂಬಲ, ನೆರವು ಸಿಗುತ್ತದೆ ಎಂದು ಹೇಳಿದ್ದಾರೆ.