ರುಬೆಲ್ ಮದುವೆಯ ವಾಗ್ದಾನ ಮಾಡಿ ದೈಹಿಕವಾಗಿ ಬಳಸಿಕೊಂಡಿದ್ದಾರೆ ಎಂದು ಅವರ ಮಾಜಿ ಪ್ರೇಯಸಿ, ನಟಿ ನಜನೀನ ಅಕ್ತರ್ ಹೆಪ್ಪಿ ಕಳೆದ ವರ್ಷ ಡಿಸೆಂಬರ್ 13 ರಂದು ಮೀರ್ಪುರ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣವನ್ನು ದಾಖಲಿಸಿದ್ದರು. ಆಕೆ ತನಗೆ ಬ್ಲಾಕ್‌ಮೇಲ್ ಮಾಡುತ್ತಿದ್ದಾರೆಂದು ರುಬೆಲ್ ಕೂಡ ಪ್ರತಿದೂರು ದಾಖಲಿಸಿದ್ದರು.
ಈ ಆರೋಪದ ವಿಚಾರಣೆ ನಡೆಯುತ್ತಿದ್ದರಿಂದ ರುಬೆಲ್ ವಿಶ್ವಕಪ್‌ನಲ್ಲಿ ಆಡುವುದು ಅನುಮಾನವಾಗಿತ್ತು. ಆದರೆ ರುಬೆಲ್ ಪರ ವಾದ ಮಾಡಿದ್ದ ವಕೀಲರು ಅವರು ಬಾಂಗ್ಲಾ ಕ್ರಿಕೆಟ್ ತಂಡದ ಬಹುಪ್ರಮುಖ ಆಟಗಾರರಾಗಿರುವುದರಿಂದ ವಿಶ್ವಕಪ್ ಮುಗಿಯುವವರೆಗೆ ಜಾಮೀನು ನೀಡುವಂತೆ ನ್ಯಾಯಾಧೀಶರಲ್ಲಿ ಕೇಳಿಕೊಂಡಿದ್ದರು. ಇದಕ್ಕೆ ಸಮ್ಮತಿಸಿದ್ದ ನ್ಯಾಯಾಧೀಶರು ರುಬೆಲ್ ಅವರಿಗೆ ಜಾಮೀನು ನೀಡಿದ್ದರು.
