ಐಪಿಎಲ್ 13 ಗೆ ಮೊದಲು ಭರ್ಜರಿ ತಯಾರಿ ಆರಂಭಿಸಿದ ರಿಷಬ್ ಪಂತ್
ಮಂಗಳವಾರ, 21 ಜುಲೈ 2020 (10:37 IST)
ಮುಂಬೈ: ಟೀಂ ಇಂಡಿಯಾ ಯುವ ವಿಕೆಟ್ ಕೀಪರ್ ರಿಷಬ್ ಪಂತ್ ಕಳಪೆ ಫಾರ್ಮ್ ನಿಂದಾಗಿ ಟೀಕೆಗೊಳಗಾಗುತ್ತಲೇ ಇದ್ದರು. ಇದೀಗ ಐಪಿಎಲ್ 13 ಆರಂಭವಾಗುವ ಸುಳಿವು ಸಿಕ್ಕ ಕೂಡಲೇ ಹಿರಿಯ ಆಟಗಾರ ಸುರೇಶ್ ರೈನಾ ಗರಡಿಯಲ್ಲಿ ಪಂತ್ ತರಬೇತಿ ಆರಂಭಿಸಿದ್ದಾರೆ.
ಮತ್ತೆ ಟೀಂ ಇಂಡಿಯಾಗೆ ಕಮ್ ಬ್ಯಾಕ್ ಮಾಡಬೇಕೆಂದು ಹವಣಿಸುತ್ತಿರುವ ಪಂತ್, ಸುರೇಶ್ ರೈನಾ ಜತೆಗೆ ಗಾಝಿಯಾಬಾದ್ ನ ಟ್ರೈನಿಂಗ್ ಸೆಂಟರ್ ಒಂದರಲ್ಲಿ ತರಬೇತಿ ಆರಂಭಿಸಿದ್ದಾರೆ.
ಮತ್ತೆ ತಂಡಕ್ಕೆ ಮರಳಲು ನನಗೆ ರೈನಾ ಸಹಾಯ ಮಾಡುತ್ತಿದ್ದಾರೆ. ನನ್ನ ಬ್ಯಾಟಿಂಗ್ ಸುಧಾರಣೆಗೆ ರೈನಾ ಸಲಹೆ ನೀಡುತ್ತಿದ್ದಾರೆ ಎಂದು ಪಂತ್ ಹೇಳಿದ್ದಾರೆ.
