ಅಪಾಯಕಾರಿ ಬೌಲಿಂಗ್‌ಗೆ ಹೆಸರಾಗಿರುವ ಪಾಕಿಸ್ತಾನದ ವೇಗದ ಬೌಲರ್ ರಾವಲ್ಪಿಂಡಿ ಎಕ್ಸ್‌ಪ್ರೆಸ್ ಶೋಯಿಬ್ ಅಖ್ತರ್, 20 ವರ್ಷದ ರುಬಾಬ್ ಎಂಬ ಯುವತಿಯ ಜತೆ 25 ಜೂನ್ - ಬುಧವಾರ ವೈವಾಹಿಕ ಬಂಧನಕ್ಕೆ ಒಳಗಾಗಿದ್ದಾರೆ ಎಂದು ಪಾಕ್ ಮಾಧ್ಯಮಗಳು ವರದಿ ಮಾಡಿವೆ.
ಆತನ ಸಿಕ್ರೆಟ್ ಮದುವೆಯ ಬಗ್ಗೆ ಈ ಮೊದಲೇ ಪಾಕ್ ಮಾಧ್ಯಮಗಳು ವರದಿ ಮಾಡಿದ್ದವು. ಆದರೆ ಅಕ್ತರ್ ಇದನ್ನು ನಿರಾಕರಿಸಿದ್ದರು.
ಖೈಬರ್ ಪಖ್ತುಂಖಾವಾ ಪ್ರಾಂತ್ಯದ ಹರಿಪುರದ ರುಬಾಬ್ ಎಂಬಾಕೆ ಅಖ್ತರ್ ಕೈಹಿಡಿದ ಯುವತಿ. ಇತ್ತೀಚೆಗಷ್ಟೆ ಆಕೆ ಇಂಟರ್‌ಮೀಡಿಯಟ್ ಪರೀಕ್ಷೆ ಮುಗಿಸಿದ್ದಾಳೆ.
ಅತಿ ಸರಳ ಸರಳ ಸಮಾರಂಭದಲ್ಲಿ ಪೋಷಕರು, ಹತ್ತಿರದ ಸಂಬಂಧಿಕರು ಮತ್ತು ಸ್ನೇಹಿತರ ಸಮ್ಮುಖದಲ್ಲಿ ಅಕ್ತರ್- ರುಬಾಬ್ ನಿಖಾ ನಡೆಯಿತು.
ಜೂನ್ 12ರಂದು ಅಖ್ತರ್ ಮತ್ತು ಅವರ ಪೋಷಕರು ವಧುವಿನ ಮನೆಗೆ ಭೇಟಿ ನೀಡಿ ಮದುವೆ ದಿನಾಂಕ ಗೊತ್ತುಪಡಿಸಿದ್ದರು ಎಂದು ಅಕ್ತರ್ ಅವರ ಹತ್ತಿರದ ಮೂಲಗಳು ಈ ಹಿಂದೆ ಪಿಟಿಐಗೆ ಸುದ್ದಿಸಂಸ್ಥೆಗೆ ಖಚಿತ ಪಡಿಸಿದ್ದವು.
ತನ್ನ ತಂದೆತಾಯಿಗಳು ನಿಗದಿ ಪಡಿಸಿದ ಹುಡುಗಿಯನ್ನು ಮದುವೆಯಾಗುತ್ತಿರುವುದರನ್ನು ಈ ಮೊದಲು ಅಖ್ತರ್ ಬಲವಾಗಿ ಅಲ್ಲಗಳೆದಿದ್ದರು.
ರುಬಾಬ್ ವಯಸ್ಸು ಕೇವಲ 17 ಎಂದು ಸಹ ಕೆಲವು ಮಾಧ್ಯಮಗಳು ವರದಿ ಮಾಡಿದ್ದು, ಅಖ್ತರ್ ಹಕ್ ಮೆಹರ್ ಆಗಿ 5 ಲಕ್ಷ ರೂಪಾಯಿಯನ್ನು ನೀಡಿದ್ದಾರೆ ಎಂದು ಹೇಳಲಾಗುತ್ತಿದೆ.
